بۇگىن پرەزيدەنتتىڭ قاتىسۋىمەن بۋرابايدا ۇلتتىق قۇرىلتاي وتۋدە.
كەلەلى ماسەلەلەر قوزعالعان جيىندا مەملەكەت باسشىسى قۇرىلتايدىڭ كەلەسى جيىنىن قىزىلوردادا وتكىزۋدى ۇسىندى، دەپ حابارلايدى aqshamnews.kz.
«سوڭعى جىلدارى ءبىز ۇلتتىق بىرەگەيلىگىمىزدىڭ ماڭىزدى فاكتورى – تاريح عىلىمىنىڭ دامۋىنا ەرەكشە كوڭىل ءبولىپ جاتىرمىز. بۇگىنگى قۇرىلتاي تاعى ءبىر تاريحي بەلەسكە تۇسپا-تۇس كەلدى. بيىل ەل استاناسىن قىزىلورداعا كوشىرۋ تۋرالى تاريحي شەشىمنىڭ قابىلدانعانىنا ءجۇز جىل تولىپ وتىر. وسى رەتتە قۇرىلتايدىڭ كەلەسى وتىرىسىن سىر بويىندا، كەزىندە قازاق ەلىنىڭ استاناسى بولعان قىزىلوردا قالاسىندا وتكىزۋدى ۇسىنامىن»، - دەدى پرەزيدەنت.