قۇرىلتاي قۇرامى جاڭاردى

ۇلتتىق قۇرىلتاي جۇمىسىنا جاڭا قوعام وكىلدەرى قوسىلدى.

تۇرلىحانوۆ، دايرابايەۆ، ءۋالي ۇلتتىق قۇرىلتاي قۇرامىنان شىعارىلدى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.

2024 جىلعى 19 قاڭتاردا اقوردانىڭ باسپا ءسوز قىزمەتى ۇلتتىق قۇرىلتايدىڭ قۇرامىنداعى وزگەرىستەر تۋرالى حابارلادى. رەسمي اقپاراتتا اتاپ وتىلگەندەي، ۇلتتىق قۇرىلتاي جۇمىسىنا جاڭا قوعام وكىلدەرى قوسىلدى:

ق ر بالا قۇقىقتارى جونىندەگى ۋاكىل دينارا زاكييەۆا،

"قازاقستان كارىستەر قاۋىمداستىعى" زتب ءتوراعاسى يۋريي شين،

قازاقستاننىڭ ەڭبەك ەرى، سەمەي قالاسىنداعى № 7 مەكتەپ-ليسەيىنىڭ ءمۇعالىمى الما شۇقىجانوۆا،

ق ر پارلامەنت ءماجىلىسىنىڭ دەپۋتاتتارى نۇرلان اۋەسبايەۆ، نيكيتا شاتالوۆ،

Zhubanov university ءباسقارما-توراعاسى، رەكتور لاۋرا قاراباسوۆا،

پارا جەڭىل اتلەتيكا بويىنشا سپورتشى ايسۇلۋ سۇلەيمەنوۆا،

دۇنگەن ەتنوسىنىڭ كوشباسشىسى لۋگمار بۋلاروۆ،

"ازاتتىق رۋحى" اقپاراتتىق اگەنتتىگىنىڭ تەلەجۇرگىزۋشىسى، جۋرناليست كريستينا گرينكو تارتىلدى.

بۇدان بولەك قۇرامعا بىرنەشە ايماقتان قوعامدىق كەڭەس مۇشەلەرى كىردى.

"​ۇلتتىق قۇرىلتاي قۇرامىنان ب. التەيەۆ، ا. تولامىسوۆ، گ. قاناي، س. وگاي، ج. دايرابايەۆ، ق. مايگەلدىنوۆ، ب. ءۋالي، ا. تيموششەنكو-بوروۆيكوۆا، س. سارىباي، د. تۇرلىحانوۆ، ا. لودوچنيكوۆ، س. قۇرانبەك، ە. سۋلاروۆ شىعارىلدى"، - دەپ اتاپ ءوتتى باسپا ءسوز قىزمەتى.

​قازىرگى ۋاقىتتا مەملەكەت باسشىسىنىڭ "Egemen Qazaqstan" گازەتىنە بەرگەن سۇحباتىندا حابارلانعانداي كوكتەمدە وتەتىن ۇلتتىق قۇرىلتايدىڭ ءۇشىنشى وتىرىسىنا دايىندىق جۇمىستارى جۇرگىزىلۋدە.