قۇرمانىڭ يممۋنيتەت ءۇشىن پايداسى زور
كارەليانىڭ قوعامدىق دەنساۋلىق ساقتاۋ ورتالىعىنىڭ ساراپشىلارى قىس ماۋسىمىندا قۇرمانى تۇتىنۋدىڭ پايداسىن مالىمدەدى. ولاردىڭ ايتۋىنشا، جەمىستىڭ قۇرامىنداعى ا، س جانە ر دارۋمەندەرى يممۋنيتەتتى كوتەرىپ، اعزانىڭ جالپى جاعدايىن جاقسارتادى، دەپ حابارلايدى Almaty-akshamy.kz رەن-تۆ-عا سىلتەمە جاساپ.
بۇل توپتاعى دارۋمەندەر تەرىنىڭ جۇمساق ءارى شىمىر بولۋىنا كومەكتەسەدى. عالىمداردىڭ مالىمدەۋىنشە، جەمىستىڭ قۇرامىنداعى كاليي جۇرەك-قان تامىرلارى اۋرۋلارىنان زارداپ شەگەتىن ادامدار ءۇشىن دە پايدالى.
بۇدان بولەك، قۇرمانىڭ قۇرامىندا الماعا قاراعاندا ديەتالىق تالشىقتار مەن پايدالى ميكروەلەمەنتتەر كوپ. بۇل جەمىستىڭ اس قورىتۋ جۇيەسىنىڭ بۇزىلۋلارى بار ادامدارعا جارامدى ەكەنىن بىلدىرەدى.
"قۇرما — بۇل شارشاۋدى تەز جوياتىن، جۇيكە جۇيەسىن تىنىشتاندىراتىن جانە ونىمدىلىكتى ارتتىراتىن سەرگىتەتىن جەمىس"، - دەيدى ماماندار.