اتىراۋدا ايەل قۇربىسىنىڭ سەيفىنەن 54 ملن تەڭگە ۇرلاپ كەتتى
ءبىر اپتاعا جۋىق ۋاقىت بويى ۇيىندە بولماي، باسقا قالاعا كەتىپ، ال كەلگەنىندە سەيفتەگى 54 ميلليون تەڭگەسى ۇرلانعانىن كورگەن 45 جاستاعى ازاماتشا دەرەۋ پوليسياعا حابارلاسقان. ۇرى سەيفتەن 54 ملن. تەڭگەنى الىپ، 2 ملن. تەڭگەنى سەيفتە قالدىرعان، دەپ حابارلايدى Almaty-akshamy.kz
پوليسەيلەر بارلىق بەينەكامەرالاردى تەكسەرسە دە، ۇرلىققا قاتىستى دايەك تاپپادى. الايدا وقيعاعا دەيىن پاتەرگە كەلىپ، قوناق بولىپ جۇرگەندەر اراسىندا جابىرلەنۋشىنىڭ 42 جاستاعى قۇربىسى كۇدىك ۇيالاتقان. تەرگەپ-تەكسەرۋ امالدارى بارىسىندا كۇدىكتىنىڭ قوماقتى قاراجاتپەن الماتى قالاسىنا كەتكەندىگى انىقتالدى.
پوليسيا قىزمەتكەرلەرى ۇستاۋ بارىسىندا ايەلدەن 36 ميلليون تەڭگە تاركىلەدى. كۇدىكتى ءوز كىناسىن تولىقتاي مويىندادى. اتىراۋلىق پوليسەيلەر ق ر قىلمىستىق كودەكسىنىڭ 188-بابى 4-بولىگى بويىنشا تەرگەۋ امالدارىن جۇرگىزىپ، ءىس-قۇجاتتارىن سوتقا جولدادى.