ق ر سپورتتى دامىتۋ ديرەكسياسى وقيعاعا تۇسىنىكتەمە بەردى
بۇگىن، 27 تامىزدا اقوردادا پاريجدەگى جازعى وليمپيادا جۇلدەگەرلەرىن سالتاناتتى ماراپاتتاۋ ءراسىمى ءوتتى. وليمپياداشىلار مەن ولاردىڭ جاتتىقتىرۋشىلارى قازاقستان پرەزيدەنتى قاسىم-جومارت توقايەۆتىڭ قولىنان مەملەكەتتىك ماراپاتتار الدى. الايدا، ءىس-شارانىڭ سالتاناتتىلىعىنا قاراماستان، كۇمىس جۇلدەگەرى، گيمناست ناريمان قۇربانوۆتىڭ بۇل جيىنعا قاتىسپاعانى كوپشىلىكتىڭ نازارىن اۋداردى. Taspanews.kz ءتىلشىسى مەملەكەت باسشىسى قازاقستان ءۇشىن تاريحي مەدال الىپ كەلگەن سپورتشىنىڭ نەگە ماراپاتتاۋدان شەت قالعانىن انىقتاۋعا تىرىستى.
ق ر سپورتتى دامىتۋ ديرەكسياسىنىڭ باسپا ءسوز قىزمەتىنىڭ وكىلى شامكەن بايىربەكتىڭ ايتۋىنشا، ناريمان قۇربانوۆ بەلگىلى ءبىر سەبەپتەرمەن پرەزيدەنتتىڭ ماراپاتتاۋ راسىمىنە قاتىسا الماعان. ول سپورتشىنىڭ وزىنە تيەسىلى بارلىق ماراپاتتاردى الاتىنىن ايتتى.
«ناريمان بەلگىلى ءبىر سەبەپتەرمەن پرەزيدەنتتىڭ ماراپاتتاۋىنا قاتىسقان جوق. ول پرەزيدەنت پەن مەملەكەتتەن وزىنە تيەسىلى بارلىق ماراپاتتارىن الادى،» – دەدى بايىربەك Taspanews.kz تىلشىسىنە.
ونىڭ ايتۋىنشا، ناريمان قۇربانوۆ قازىرگى ۋاقىتتا الماتىدا. ماراپاتتاۋ راسىمىنە ناريماننىڭ اكەسى ءارى جەكە جاتتىقتىرۋشىسى حۋسانجان قۇربانوۆ قاتىستى.
كەيىنىرەك، Taspanews.kz رەداكسياسىنا ق ر سپورتتى دامىتۋ ديرەكسياسىنىڭ باسپا ءسوز قىزمەتىنىڭ باسشىسى ايان تولەگەن بايلانىسقا شىعىپ، سپورتشىنىڭ «ازداپ اۋىرىپ قالعانىن» مالىمدەدى. ءبىراق، ءتىلشىنىڭ وليمپيادا جۇلدەگەرىنىڭ پرەزيدەنتپەن كەزدەسۋىنە قانداي دەرت اسەر ەتكەنى تۋرالى سۇراعى جاۋاپسىز قالدى.
ەسكە سالساق، قاسىم-جومارت توقايەۆ وليمپيادادا جارقىن جۇلدىز بولىپ جانعانى ءۇشىن ناريمان قۇربانوۆ پەن ونىڭ اكەسى جانە جاتتىقتىرۋشىسىنا – حۋسانجان قۇربانوۆقا «پاراسات» وردەنىن بەرگەن.
Taspanews.kz ءتىلشىسى كۇمىس جۇلدەگەر ناريمان قۇربانوۆپەن جانە ق ر گيمناستيكا فەدەراسياسىمەن بايلانىسۋعا تىرىستى، الايدا سپورتشى دا، فەدەراسيانىڭ باسپا ءسوز حاتشىسى دا قوڭىراۋلارعا جاۋاپ بەرمەدى.