ونلاين تۇردە قۇربان شالام دەۋشىلەر سايت ارقىلى قۇرباندىق مالىن تاڭداپ، كورسەتىلگەن رەكۆيزيتكە قاجەتتى قاراجاتتى اۋدارا الادى.
قمدب ءتوراعاسى ناۋرىزباي قاجى تاعان ۇلى بۇقارالىق اقپارات قۇرالدارى وكىلدەرىنە بەرگەن سۇحباتىندا قۇربان شالۋ ءراسىمىن قاشىقتان وتكىزۋگە ارنالعان qurban2022.kz سايتى ىسكە قوسىلعانىن ايتتى، دەپ حابارلايدى Almaty-akshamy.kz
باس ءمۇفتي جاماعاتتى «قۇربان-2022» قايىرىمدىلىق اكسياسىنا ۇلەس قوسۋعا شاقىرىپ، حالىققا وڭتايلى بولۋ ءۇشىن بيىل قۇربان شالۋ وفلاين جانە ونلاين فورماتتا جۇزەگە اساتىنىن تىلگە تيەك ەتتى.
ايتا كەتسەك، ونلاين تۇردە قۇربان شالام دەۋشىلەر سايت ارقىلى قۇرباندىق مالىن تاڭداپ، كورسەتىلگەن رەكۆيزيتكە قاجەتتى قاراجاتتى اۋدارا الادى. قوي مەن ەشكىنى جەكە ادام، ال ءىرى قارا مەن تۇيە مالىن ءبىر نەمەسە 7 ادام بىرىگىپ شالسا بولادى. بۇدان كەيىن تولەم بارىسىندا حابارلاماعا تاپسىرىس ءنومىرى مەن قۇرباندىق شالۋشىنىڭ ءاتى-جونىن جازۋ مىندەتتى. قۇرباندىق شالىنعان سوڭ، ونىڭ فوتو- جانە بەينەەسەبى تاپسىرىس بەرۋشى كورسەتكەن What's app نومىرگە جىبەرىلەدى.