ءتورت جىل بۇرىن وسى جەكە پوليگون اۋماعىن جەرگىلىكتى بيلىك «جان-ارۋ» كومپانياسىنا قوقىستى قايتا وڭدەۋ زاۋىتىن سالۋ ءۇشىن ۇزاق مەرزىمگە جالعا بەرگەن.
ەكولوگيالىق كەڭەس ماماندارى قورشاعان ورتانىڭ لاستانۋىنا قاتىستى دابىل قاعىپ، الماتى وبلىسى تالعار اۋدانىنداعى جەكە قوقىس پوليگونىن جابۋدى تالاپ ەتتى، دەپ حابارلايدى Almaty-akshamy.kz
الايدا پوليگون يەسى بۇعان كەلىسپەيتىنىن جانە ەكولوگتاردى قىزىعۋشىلىقتارى ءۇشىن ايىپتاۋدا.
ءتورت جىل بۇرىن وسى جەكە پوليگون اۋماعىن جەرگىلىكتى بيلىك «جان-ارۋ» كومپانياسىنا قوقىستى قايتا وڭدەۋ زاۋىتىن سالۋ ءۇشىن ۇزاق مەرزىمگە جالعا بەرگەن بولاتىن. ءبىراق كاسىپورىن يەسى ونىڭ ورنىنا مۇندا اقىلى پوليگون ۇيىمداستىردى، قازىرگى ۋاقىتتا ستيحيالىق پوليگونعا اينالدى.
«ەكولوگيالىق كەڭەسكە جەرگىلىكتى تۇرعىنداردان شاعىم كەلىپ ءتۇستى. وسى شاعىمعا سايكەس ءبىز وبەكتىگە شىقتىق. توپىراق پەن سۋ سىنامالارى الىندى. تالداۋ ناتيجەلەرى مىرىش، مىس، نيترات، ازوت وكسيدى، ازوت ديوكسيدى بويىنشا جوعارى ناتيجەنى كورسەتتى. بۇل نىساندا حيميالىق لاستانۋ ءجۇرىپ جاتىر دەۋگە تولىق نەگىز بار»، – دەدى تالعار اۋدانى بويىنشا ەكولوگيالىق كەڭەستىڭ ءتوراعاسى ميراس بايسەيىتوۆ.
تالداۋ جۇرگىزىلگەننەن كەيىن اۋدان تۇرعىندارى جەردى جالعا بەرۋ مەرزىمى اياقتالعاننان كەيىن ۋىتتىلىعى جوعارى بولعاندىقتان پايدالانۋعا جارامسىز بولىپ قالادى دەپ قاۋىپتەنەدى.
«ەكولوگيالىق كۇيرەۋ جاساعان ادام تولىعىمەن قالپىنا كەلتىرۋى كەرەك. وسى جەردىڭ جەر جامىلعىسىن سايكەستەندىرۋى ءتيىس»، - دەپ اتاپ ءوتتى تالعار اۋداندىق ءماسليحات دەپۋتاتى ەرجان يگىبايەۆ.
ەكولوگيالىق كەڭەس سوتقا جۇگىندى. سوت شەشىمىمەن «جان-ارۋ» كومپانياسىنا تۇرمىستىق قالدىقتاردى جيناۋدى ءۇش ايعا توقتاتا تۇرۋ ۇيعارىلدى. الايدا تۇرعىنداردىڭ ايتۋىنشا، پوليگوندا قوقىستى قابىلداۋ ءالى جالعاسۋدا.
«ءبىز مۇندا لاس اۋامەن تۇنشىعىپ جاتىرمىز. ال ءبىز مۇندا تۇرىپ جاتىرمىز. سوندىقتان ءبىزدىڭ ومىرىمىزگە كەدەرگى كەلتىرەتىن وسى پوليگونداردى، وسى كارەردى جابۋعا كومەكتەسسەڭىزدەر دەپ ءوتىنىش ايتامىز»، - دەدى «سولنەچنايا» باۋ-باقشا قوعامىنىڭ ءتوراعاسى جاننا كيم.
كومپانيا وكىلدەرى زاۋىت ورنىنا نەگە پوليگون پايدا بولعانىن ءتۇسىندىردى. ايتۋىنشا، قوقىس وڭدەيتىن كاسىپورىننىڭ قۇرىلىسىنا بىرنەشە گەكتار جەر بولۋگە ۋادە بەرىلگەن. ءبىراق ولار تەك 30 سوتىق جەردى بەردى.
«بيلىك ءبىزدىڭ ۋچاسكەمىزدى كەڭەيتۋدى ءتىپتى جوسپارلامايدى. ال مۇنداي الاڭدا زاۋىت سالۋعا بولمايدى. كوممۋنيكاسيالار مەن ەلەكتر ەنەرگياسى جوق. اۋىلدىڭ ەكىنشى جاعىندا ورنالاسقان قوقىستى سۇرىپتاۋعا ارنالعان جابدىقتى جالعا الۋىمىز كەرەك. جارىقسىز مۇندا جۇمىس ىستەي المايمىز. بىزگە تۇراقتى تۇردە قىسىم كورسەتكەننىڭ ورنىنا، بۇل ماسەلەنى بىرلەسىپ شەشۋگە بولار ەدى»، - دەپ ءتۇسىندىردى كومپانيا زاڭگەرى اسىلبەك قارايەۆ.
پوليگوندا قالدىقتاردىڭ جانۋى - ۇنەمى بولاتىن قۇبىلىس. تەك وتكەن جىلى 6 ءورت بولدى، ولاردى جويۋعا اۋداننىڭ بارلىق ورتكە قارسى قىزمەتتەرى جۇمىلدىرىلدى. كومپانيا مۇنىڭ ءبارى باسەكەلەستەردىڭ ايلا-امالدارى دەپ سانايدى، ءبىراق وعان ەشقانداي دالەل جوق.