الماتى قالاسى ىشكى ساياسات باسقارماسىنىڭ قولداۋىمەن Social project management ورتالىعى «زاڭ كەڭەسى» جوباسى اياسىندا دوڭگەلەك ۇستەل وتكىزدى، - دەپ حابارلايدى Aqshamnews.kz.
ونىڭ ماقساتى - مەملەكەت باسشىسى قاسىم-جومارت توقايەۆتىڭ جولداۋىندا كورسەتىلگەن «زاڭ جانە ءتارتىپ» قاعيداتىن ورنىقتىرۋ.
دوڭگەلەك ۇستەلگە زاڭگەرلەر، قۇقىق قورعاۋشىلار، مەملەكەتتىك جانە قۇقىق قورعاۋ ورگاندارى، ۇكىمەتتىك ەمەس ۇيىم وكىلدەرى، قالا تۇرعىندارى، جاستار قاتىستى.
«زاڭ كەڭەسى» جوباسىنىڭ باستى زاڭگەرى قۋات اۋعانبەك بۇگىنگى دەيىن تۇرعىندارعا قانداي كومەك كورسەتىلگەنىن ايتتى.
- الماتىدا «زاڭ كەڭەسى» جوباسى 3 جىلدان بەرى جالعاسىپ كەلە جاتىر. ول الماتىلىقتاردىڭ قۇقىقتىق ساۋاتتىلىعىن ارتتىرۋ، الەۋمەتتىك وسال توپتاعى ازاماتتارعا زاڭ تۇرعىسىنان كەڭەس بەرىپ، تەگىن كومەكتەسۋدى كوزدەيدى. وسى ۋاقىت ارالىعىندا مىڭعا جۋىق ادامعا قۇقىقتىق تۇرعىدا باعىت-باعدار بەردىك. بۇل جوبا مەملەكەت تاراپىنان ازاماتتارىمىزعا ۇلكەن قولداۋ دەپ بىلەمىز، - دەدى ول.
Social project management ورتالىعىنىڭ ديرەكتورى بەيبىت مولداحمەت ۇلى قوعامدا قۇقىقتىق سانا ءوسىپ جاتقانىن ايتتى.
- زاڭ ورگاندارىنا جۇگىنەتىندەردىڭ قاراسى كوبەيگەن. مىسالى، 1 جىلدا سوتقا ارىز تۇسىرەتىندەر سانى 3 ەسە كوبەيگەن. ياعني، ادامدار ءوزارا كيكىلجىڭدى سوت ارقىلى زاڭ اياسىندا شەشۋگە كوشكەن. ول قۇقىقتىق سانانىڭ ءوسىپ جاتقانىن كورسەتەدى. ال ءبىزدىڭ ماقساتىمىز وسى ءوسىپ جاتقان ساناعا سەرپىن بەرۋ، - دەدى ول.
سونىمەن قاتار بەيبىت مولداحمەت ۇلى قالا تۇرعىندارى ورتالىققا قانداي سۇراقتار بويىنشا ءجيى جۇگىنەتىنىن اتاپ ءوتتى.
- ازاماتتار كوبىنە قانداي ماسەلە بويىنشا قاي ورگانعا ءوتىنىش نە شاعىم جازۋ كەرەك ەكەنىن بىلمەيدى. وسى جاعىنان ءبىزدىڭ زاڭگەرلەر كەڭەس بەرەدى. اليمەنت ءوندىرۋ ماسەلەسى ءجيى قوزعالادى. سونداي-اق، وتكىر سۇراقتار ىشىندە جەر داۋى بار. ودان بولەك كەلىسىمشارتسىز ءبىر ىس-ارەكەت جاساپ قوياتىندار كوپ. اۋىزشا كەلىسىم جاسالادى دا، كەيىن قارىزىن قايتارماي قويادى دەگەن سەكىلدى. ال زاڭگەرلەر كەلىسىمشارت بار كەزدە عانا زاڭ كۇشىن قولدانا الادى. سوندا دا ءبىزدىڭ زاڭگەرلەر مەسسەندجەرلەردەگى حات الماسۋ ارقىلى جابىرلەنۋشىگە كومەكتەسۋگە تىرىسادى، - دەدى بەيبىت مولداحمەت ۇلى.