جوبانىڭ ماقساتى – قۇقىقبۇزۋشىلىقتىڭ الدىن الۋ.
وقۋ-اعارتۋ مينيسترلىگى «بالا قۇقىقتارى تۋرالى كونۆەنسياعا حابارلامالار راسىمىنە قاتىستى فاكۋلتاتيۆتىك حاتتامانى راتيفيكاسيالاۋ تۋرالى» ق ر زاڭ جوباسىن ازىرلەدى. قۇجات اشىق نقا پورتالىندا جاريالانعان، دەپ حابارلايدى اlmaty-akshamy.kz.
«بالا قۇقىقتارى تۋرالى حاتتاما مەن كونۆەنسياعا قاتىسۋشى مەملەكەتتەر ناسىلىنە، تۇسىنە، جىنىسىنا، تىلىنە، دىنىنە، ساياسي نەمەسە وزگە دە نانىمدارىنا، ۇلتتىق، ەتنيكالىق نەمەسە الەۋمەتتىك تەگىنە، مۇلىكتىك جاعدايىنا، جاي-كۇيىنە قاراماستان، ءوز يۋريسديكسياسىنداعى ءاربىر بالا ءۇشىن وندا كوزدەلگەن بارلىق قۇقىقتاردى تەڭ تانيدى»، - دەلىنگەن قۇجاتتا.
سونىمەن بىرگە وسى كەلىسىمگە ساي، قۇقىعى ساقتالماعان بالالاردىڭ ءوزى نەمەسە ولاردىڭ اتا-اناسى بىرىككەن ۇلتتار ۇيىمىنىڭ بالا قۇقىقتارى جونىندەگى كوميتەتىنە تىكەلەي شاعىم تۇسىرە الادى.
«جوبانىڭ ماقساتى - بالالارعا جانە ولاردىڭ اتا-انالارىنا (زاڭدى وكىلدەرىنە) بۇۇ-نىڭ بالا قۇقىقتارى تۋرالى كوميتەتىنە بالانىڭ قۇقىقتارى تۋرالى كونۆەنسيادا بەكىتىلگەن ءوز قۇقىقتارىنىڭ بۇزىلۋى تۋرالى شاعىم بەرۋگە مۇمكىندىك بەرۋ. ەگەر بۇل بۇزۋشىلىقتار ۇلتتىق سوتتاردا تولىق شەشىلمەگەن بولسا، سونداي-اق تاۋەلسىز جانە بەيتاراپ ورگاندارعا وتىنىشتەردى جولداۋ ارقىلى مەملەكەت بۇزعان بالانىڭ نەگىزگى قۇقىقتارىن قورعاۋ تەتىگىن دامىتۋ»، - دەپ كورسەتىلگەن قۇجاتتا.
حاتتامانى راتيفيكاسيالاۋ تۋرالى زاڭ جوباسى 7 ساۋىرگە دەيىن كوپشىلىك تالقىلاۋدا بولادى.