مينيستر بۇۇ باس حاتشىسىن قازاقستاننىڭ سۋ رەسۋرستارىن ورنىقتى باسقارۋ سالاسىنداعى جوسپارلارى تۋرالى حاباردار ەتتى.
قازاقستان رەسپۋبليكاسىنىڭ ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا 24 ناۋرىزدا بۇۇ-نىڭ نيۋ-يوركتەگى شتاب-پاتەرىندە ۇيىمنىڭ باس حاتشىسى انتونيۋ گۋتەرريشپەن كەزدەستى، دەپ حابارلايدى اlmaty-akshamy.kz.
مينيسترلىكتىڭ باسپا ءسوز قىزمەتىنەن ءمالىم ەتكەندەي، ز.سۇلەيمەنوۆا بۇۇ باس حاتشىسىن قازاقستاننىڭ سۋ رەسۋرستارىن ورنىقتى باسقارۋ سالاسىنداعى جوسپارلارى تۋرالى حاباردار ەتتى. باس حاتشى قازاقستاننىڭ كۇش-جىگەرىن جوعارى باعالاپ، قر-دىڭ ورنىقتى دامۋ ماقساتتارىنا قول جەتكىزۋ سالاسىنداعى بەلسەندى ۇستانىمىن اتاپ ءوتتى.
ايتا كەتەيىك، ءزۇلفيا سۇلەيمەنوۆا بۇۇ-نىڭ سۋ كونفەرەنسياسىندا قازاقستاندىق دەلەگاسيانى باسقارىپ وتىرعان بولاتىن.
سونداي-اق كەلىسسوز بارىسىندا قازاقستاننىڭ ورتالىق ازيا جانە اۋعانستان ەلدەرى ءۇشىن ورنىقتى دامۋ ماقساتتارى جونىندەگى بۇۇ وڭىرلىك حابىن قۇرۋ باستاماسى تالقىلاندى. يدەيا بويىنشا شتاب-پاتەر الماتى قالاسىندا ورنالاستىرىلماق.