قۇلجا تراكتىنىڭ جوندەلەتىن ۋچاسكەسىندە قاۋىپسىزدىكتى قامتاماسىز ەتۋ ءۇشىن ۋاقىتشا بەلگى قويىلدى – اكىمدىك
الماتى قالالىق موبيلدىلىك باسقارماسىندا رىسقۇلوۆ داڭعىلىنان بۇقتىرما كوشەسىنە دەيىن قۇلجا تراكتىنىڭ قايتا جاڭعىرتىلۋ بارىسى تۋرالى حابارلاندى.
ەستەرىڭىزگە سالا كەتەيىك، جۇمىستار اياسىندا جولداردى 4-تەن 6 جولاققا دەيىن كەڭەيتۋ جوسپارلانۋدا، بۇل ۋچاسكەنىڭ وتكىزۋ قابىلەتىن ەكى ەسەگە ارتتىرۋعا مۇمكىندىك بەرەدى. جوبادا جالپى ۇزىندىعى 2،3 كم جولدى ءار باعىتتا 3 جولاقتى قۇرىلعىمەن قايتا جاڭارتۋ كوزدەلگەن.
باسقارما بۇگىندە ۋچاسكەنىڭ بارلىق ۇزىندىعىندا جولدىڭ نەگىزىن سالۋ جانە اسفالتبەتون جابىنىنىڭ تومەنگى قاباتتارىن توسەۋ بويىنشا جۇمىستار جۇرگىزىلگەنىن اتاپ ءوتتى.
«قولايلى اۋا-رايى جاعدايىندا 500 مەترلىك ۋچاسكە اعىمداعى اپتانىڭ سوڭىنا دەيىن اياقتالادى جانە قوزعالىس تولىعىمەن اشىق بولادى. جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ءۇشىن قايتا جاڭارتىلاتىن ۋچاسكەدە ۋاقىتشا جول بەلگىسى قويىلدى. ترافيكتىڭ تىعىزدىعىن ەسكەرە وتىرىپ، اسفالتبەتون جابىنىنىڭ جوعارعى قاباتى دەمالىس كۇندەرى 15 قىركۇيەككە دەيىن توسەلەدى. وسىدان كەيىن تۇراقتى جولاقتار جاسالادى»، - دەپ اتاپ ءوتتى باسقارما.
سونداي-اق جول جيەكتەرىندە توسقاۋىل قورشاۋىن، جارىقتاندىرۋ تىرەكتەرىن جانە ەكى جاعىنان ەنى 2-دەن 3 مەترگە دەيىنگى تروتۋاردى ورناتۋ بويىنشا جۇمىستار جالعاستىرىلاتىن بولاد