بۇدان بۇرىن اعاشتىڭ قۇلاعانى جايلى حابارلاعانبىز.
قازىرگى ۋاقىتتا مەردىگەر ۇيىم قوزعالىس بولىگىنە قۇلاعان اعاشتان جولدى تازارتۋدا، دەپ حابارلايدى Almaty-akshamy.kz
2023 جىلعى 23 قاراشادا ساعات 11:10-دا قالداياقوۆ 47 مەن بوگەنباي باتىر كوشەلەرىنىڭ بۇرىشىندا قالداياقوۆ كوشەسىنىڭ بويىندا اعاش قۇلادى.
باسقارما قىزمەتكەرلەرى اعاش قۇلاعان جەرگە باردى جانە تەكسەرۋ بارىسىندا قۇلاعان ەمەن اعاشىنىڭ قاناعاتتانارلىق جاعدايدا ءارى سىرتقى زاقىمعا ۇشىراماعانى، ساۋ ەكەندىگى انىقتالدى، بۇل «الماتى قالاسىنىڭ جاسىل جەلەكتەر رەەسترى» ارقىلى دا راستالادى. الدىن الا مالىمەتتەر بويىنشا،نوسەر جاڭبىر اعاشتىڭ تامىرىنداعى توپىراقتى شايىپ كەتكەن، سونىڭ سالدارىنان اعاشتىڭ باعانىنا ەداۋىر سالماق تۇسكەن.
الماتى قالاسىنىڭ اۋماعىندا جاسىل جەلەكتەردى تۇگەندەۋگە سايكەس 84 مىڭنان استام اپاتتى اعاشتار بار،ونىڭ ىشىندە: 35 مىڭ اعاش كوشە بويىندا، 49 مىڭى اۋلا اۋماقتارىندا.
جۇمىس جوسپارى بويىنشا 2022 جىلى ماگيسترالدىق جولدار بويىندا، ساياباق ايماقتارىندا جانە اۋلا ىشىندەگى اۋماقتاردا 5 مىڭ دانا اپاتتى اعاشتار كەسىلىپ، كەسىلگەن اعاشتاردىڭ ورنىنا 50 مىڭ دانا جاس اعاش كوشەتتەرى وتىرعىزىلدى.
اعىمداعى جىلى الماتى قالاسىنىڭ ەكولوگيا جانە قورشاعان ورتا باسقارماسى 16 925 مىڭ دانا اپاتتى اعاشتاردى كەسىپ جاتىر جانە كەسىلگەن اعاشتاردىڭ ورنىنا 169 250 مىڭ دانا جاس اعاش كوشەتتەرىن وتىرعىزۋ جوسپارلانۋدا.
جىل ورتاسىندا باسقارما 8 اۋدانمەن شارت جاسادى، وسىعان وراي ورتاق اۋماقتاردا اپاتتى اعاشتاردى كەسۋ كەستەگە ساي جۇرۋدە.
بۇگىندە 13،1 مىڭنان استام اپاتتى اعاش كەسىلدى، سونداي-اق ورتاق جەرلەرگە 145 مىڭ كوشەت وتىرعىزىلدى.
ەكولوگيالىق قوعامداستىق سۇراقتارىنا جاۋاپ بەرۋ ءۇشىن اعاشتاردى كەسپەس بۇرىن عىلىمي قىزمەتكەرلەردى تارتا وتىرىپ، (ج. جيەمبايەۆ اتىنداعى وسىمدىكتەردى قورعاۋ جانە كارانتين قازعزي) ەكو-بەلسەندىلەردىڭ اپاتتى اعاشتاردى مۇقيات تەكسەرۋى قامتاماسىز ەتىلەدى.