كوپتەگەن الماتىلىقتاردى سايران كولىن جايلاستىرۋ ماسەلەسى قىزىقتىرادى، ونىڭ جوباسى 2023 جىلى سۋ ايدىنىنىڭ ءتۇبىن تازارتۋ جۇرگىزىلگەننەن كەيىن جاريالاندى.
المالى اۋدانىنىڭ اكىمى ايدار جاقىبايەۆ الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا اباتتاندىرۋ جوباسى ازىرلەنىپ، قورعالعانىن اتاپ ءوتتى. ءبىراق مەردىگەرلىك ۇيىمدى انىقتاۋدا قيىندىقتار تۋىندادى، سوندىقتان ىسكە اسىرۋ مەرزىمى وزگەردى، دەپ حابارلايدى Almaty-akshamy.kz.
«جازدا ءبىز كول جاعاسىندا جاقىن ماڭداعى ۇيلەردىڭ تۇرعىندارىنا كولدىڭ قالاي جاڭاراتىنىن تانىستىردىق. بۇل رەتتە تۇرعىنداردىڭ بارلىق تىلەكتەرى ەسكەرىلدى. وسىدان كەيىن وسى قايتا قۇرۋدى جۇرگىزەتىن مەردىگەردى انىقتاۋ بويىنشا كونكۋرستىق راسىمدەر باستالدى. ناتيجەسىندە ءبىرىنشى بايقاۋ ءوتتى، ونى تۇركىستان وبلىسىنىڭ كومپانياسى جەڭىپ الدى. ءبىراق، وكىنىشكە وراي، ونىڭ مۇنداي اۋقىمدى جۇمىستاردى جۇرگىزۋ تاجىريبەسى بولعان جوق. قالا پروكۋراتۋراسىنىڭ ۇسىنىسى بويىنشا بۇل كونكۋرستىڭ قورىتىندىسى جويىلدى. قازىرگى ۋاقىتتا قايتا كونكۋرس وتكىزىلۋدە. ەكولوگيا جانە قورشاعان ورتا باسقارماسىنىڭ اقپاراتى بويىنشا كونكۋرس قورىتىندىسى 2023 جىلدىڭ سوڭىنا دەيىن الىنادى. اۋا-رايىنىڭ جىلىنىسىمەن جۇمىس باستالادى دەپ سەنەمىن»، - دەدى ول.