قۋعىن-سۇرگىن قۇرباندارى جونىندەگى كوميسسيانىڭ جۇمىسىنا الماتىنىڭ ەرىكتىلەرى تارتىلادى

كوميسسيانىڭ نەگىزگى مىندەتى — ساياسي قۋعىن-سۇرگىن قۇرباندارىنىڭ بارلىق ساناتتارى ءۇشىن تاريحي ادىلەتتىلىكتى قالپىنا كەلتىرۋ.

الماتىدا قالا اكىمىنىڭ ورىنباسارى ەرجان باباقۇماروۆتىڭ توراعالىعىمەن رەسپۋبليكا پرەزيدەنتىنىڭ جارلىعىنا سايكەس قىزمەتى باستالعان ساياسي قۋعىن-سۇرگىن قۇرباندارىن اقتاۋ جونىندەگى قالالىق كوميسسيانىڭ وتىرىسى ءوتتى دەپ حابارلايدى Almaty-akshamy.kz.

بۇل وتىرىس ق ر پرەزيدەنتى قاسىم-جومارت توقايەۆتىڭ 2020 جىلعى 24 قاراشاسىنداعى «ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا تۋرالى» جارلىعىنا سايكەس وتكىزىلە باستالعان بولاتىن. 

كوميسسيانىڭ نەگىزگى مىندەتى — ساياسي قۋعىن-سۇرگىن قۇرباندارىنىڭ بارلىق ساناتتارى ءۇشىن تاريحي ادىلەتتىلىكتى قالپىنا كەلتىرۋ.

ەرجان باباقۇماروۆ قازاقستان تاۋەلسىزدىگىنىڭ 30 جىلدىعىن ەسكەرە وتىرىپ، قالالىق كوميسسيا جۇمىسىنىڭ ماڭىزدىلىعىن اتاپ ءوتتى.

قالالىق كوميسسيا ءتوراعاسىنىڭ ورىنباسارى، تاريح عىلىمدارىنىڭ دوكتورى ب. جانگۋتين ىزدەۋ شارالارىن ۇيىمداستىرۋ ءۇشىن ستۋدەنت جاستار اراسىنان ەرىكتىلەردىڭ جاڭا جۇمىس توبىن قۇرعانىن حابارلادى. سونىمەن قاتار، قوسىلىستار تۋرالى اقپارات جاريالاندى.

رەسەي فەدەراسياسىنىڭ مەملەكەتتىك عىلىمي مۇراعاتتارىمەن (ماسكەۋ ق.)، «تىكەلەي تەلەفونىنىڭ» 398 58 22 قالا تۇرعىندارى مەن قالا قوناقتارىنا بايلانىستى قىزمەتى، سونىمەن قاتار جالپى ىزدەۋ جانە عىلىمي ءىس-شارالار تۋرالى كوميسسيا.

وتىرىسقا جۇمىس توپتارىنىڭ باسشىلارى ش. زابيح، م. گۋبايدۋللينا، ا. وتەعالييەۆا، ن. الپىسبايەۆا، ب. قابدۋشيەۆ، گ. نۇرىمبەتوۆا، گ. مۇقانوۆا، ت. قۇلتايەۆ، ز.تولەنوۆا قاتىستى، ولار مۇراعاتتاعى اتقارىلعان جۇمىستارى، جوسپارلارى، زەرتتەۋ قىزمەتى جونىندە ەسەپ بەردى.

وتىرىستىڭ جۇمىسىن قورىتىندىلاعان ەرجان باباقۇماروۆ قالالىق كوميسسيانىڭ زەرتتەۋلەرى، عىلىمي جۇمىستارى، عالىمدارعا بارلىق مەملەكەتتىك، قالالىق جانە ارنايى ارحيۆتەرگە قولجەتىمدى ەكەنىن اتاپ ءوتتى جانە كومەك كورسەتۋ بويىنشا ناقتى تاپسىرمالار بەردى.