الماتىنىڭ قاي جەرىنە اعاش ەگىلەدى؟

بۇل سۇراقتىڭ جاۋابىن جاسىل ەكونوميكا باسقارماسىنىڭ باسشىسى ناتاليا ليۆينسكايا بەردى.

«الماتى» تەلەارناسىنداعى Akimat LIVE باعدارلاماسىنا قاتىسقان ناتاليا ليۆينسكايا الماتىنىڭ قاي اۋدانىنا كوبىرەك اعاش ەگىلەتىنىن ايتتى، دەپ حابارلايدى Almaty-akshamy.kz.

«ءبىز تۇركسىب، جەتىسۋ، الاتاۋ جانە ءىشىنارا ناۋرىزباي اۋداندارىنا بارامىز. نەلىكتەن ءدال سول جەرلەرگە؟ مۇنىڭ بەلگىلى سەبەپتەرى بار. مىسالى، تۇركسىب جانە جەتىسۋ اۋداندارىندا اپاتتى جاسىل قور بار. ءبىز سول جەردە جاسىل قوردى جاڭارتىپ، قولداۋعا مىندەتتىمىز. سونىڭ ىشىندە الاتاۋ – قوسىلعان اۋدان. وندا تاقىر جەرلەر جەتكىلىكتى، بۇل ورايدا قالالىق اتموسفەرا جاساۋ ءۇشىن ونى اعاش ەگۋدەن باستايمىز. بۇل ناۋرىزباي اۋدانىنا دا قاتىستى»، – دەدى ناتاليا ليۆينسكايا قالا تۇرعىندارىنىڭ سۇراقتارىنا جاۋاپ بەرە كەلىپ. 

«ءبىزدىڭ وسى جوسپارلارىمىز قالانىڭ ورتالىق اۋداندارىنا ەش اسەر ەتپەيدى. ءبىز بۇل جەرگە جاڭادان وتىرعىزىلاتىن كوشەتتەر مەن ەسكى اعاشتارعا زيان تيگىزبەۋ ءۇشىن جاسىل جەلەكتەردى وتىرعىزۋدى تولىقتىرىپ، ولاردى جاڭادان ەگەتىن بولامىز» – دەدى جاسىل ەكونوميكا باسقارماسىنىڭ باسشىسى.