قارتتار بارلىق قۇرمەتكە لايىقتى. ولار كەزىندە ەلدىڭ كوركەيۋىنە ءوز ۇلەسىن قوسىپ، اتسالىسقان. كەيىنگى ۇرپاق سول كىسىلەر سالعان سارا جولمەن ءجۇرىپ، ۇلكەندەردەن جيناعان تاجىريبەسىمەن العا باسا بەرمەك.
الماتى قالاسى بويىنشا قاج دەپارتامەنتىنە قاراستى لا-155/6 مەكەمەسىنىڭ ۇجىمى قارتتار كۇنىندە وزدەرىنىڭ ەگدە جاستاعى، قۇرمەتتى زەينەت دەمالىسىنداعى ارىپتەستەرىن ۇمىتپاي، ولارعا قۇرمەت-ىلتيپاتتارىن ءبىلدىردى.
قىلمىستىق-اتقارۋ جۇيەسىنىڭ ارداگەرى گەورگيي ميحايلوۆيچ پچەلكين مەن ارداگەرلەر كەڭەسىنىڭ مۇشەسى ۋرۋنبۋ توحتوگۋل قىزى جاڭابەكوۆانى لا-155/6 مەكەمە باستىعىنىڭ تاربيە جۇمىستارى جونىندەگى ورىنباسارى، ادىلەت مايورى گۇلشات نۇرجانوۆا جانە كادر ساياسات توبى، ادىلەت اعا لەيتەنانتى جانسەرىك شۇكىروۆ ارنايى قۇتتىقتاپ، اعا بۋىننىڭ قىلمىستىق-اتقارۋ جۇيەسىندەگى ۇزاق جىلدار بويعى ەرەن ەڭبەكتەرىن اتاپ ءوتىپ، مەكەمە ۇجىمى اتىنان سىي-سىياپاتتار ۇسىندى. جاقسى سوزدەر دە، قۇشاق-قۇشاق گۇلدەر دە ۇلكەندەردى قۋانتىپ تاستادى.
