الماتىدا ءۇي جانۋارلارىن تەگىن كاستراسيالاۋ جانە زارارسىزداندىرۋ باعدارلاماسى باستالدى، دەپ حابارلايدى almaty-akshamy.kz
الماتى قالاسىندا بۇرالقى جانۋارلاردىڭ سانىن ىزگىلىكتى رەتتەۋدىڭ 2021-2024 جىلدارعا ارنالعان باعدارلاماسى اياسىندا 4 مىڭعا جۋىق جانۋارلاردى قامتۋ جوسپارلانىپ وتىر.
باعدارلامانى وتكىزۋ كەزەڭى 2021 جىلعى 1 قازاننان 31 جەلتوقسانىنا دەيىن جالعاسادى. باعدارلاماعا قاتىسۋعا Pet Control دەرەكتەر قورىندا سەنىمدى ەسەپكە الۋ ءۇشىن ۆەتەريناريالىق پاسپورتى مەن ميكروچيپى بار جانۋارلار جىبەرىلەدى.
ميكروچيپى مەن پاسپورتى بولماعان جاعدايدا، ولاردى تومەندە اتالعان كەز كەلگەن ەمحانادان قوسىمشا اقى تولەپ الۋعا بولادى. يتتەر مەن مىسىقتاردى زارارسىزداندىرۋدىڭ جاس شەكتەۋى 7 ايدان 9 جاسقا دەيىن، توبەت يتتەر مەن ەر مىسىقتاردى زارارسىزداندىرۋدىڭ جاس شەكتەۋى - 6 ايدان 9 جاسقا دەيىن.
تەگىن زارارسىزداندىرۋ جانە كاستراسيانى جۇزەگە اسىراتىن ۆەتەرينارلىق كلينيكالاردىڭ مەكەنجايلارى مەن تەلەفوندارى:
«سۆم» - جاماقايەۆ كوشەسى، 32 ءۇي؛ 8 (727) 313-13-28
«سۆم» - «مامىر-4» شاعىناۋدانى، 111؛ 8 (727) 313-13-21
«Mastino»- ەسەنبەرلين كوشەسى، 217؛ 8 (727) 327-44-88، 8 (707) 327-44-88
«Allvet» -تولە بي كوشەسى، 279 «ب»؛ 8 (727) 396-71-73
«ايبوليت»- اباي داڭعىلى، 26؛ 8 (708) 972‒02‒07
«Dog premium» - زيمنيايا كوشەسى، «ب»؛ 8 (727) 354‒33‒23
«الماتىۆەت» -جانسۇگىروۆ كوشەسى، 311؛ (727) 397‒22‒76
«زووۆيتا» - 8-شاعىناۋدانى، 10 «ا»؛ 8 (727) 249‒85‒19