ق ر ۇكىمەتىنىڭ قاۋلىسىمەن قۋانىش اسىلحان ۇلى ەرعالييەۆ ق ر ءبىلىم جانە عىلىم ۆيسە-مينيسترى لاۋازىمىنا تاعايىندالدى، دەپ حابارلادى Almaty-akshamy.kz ق primeminister.kz سايتىندا جاريالانعان ق ر پرەمەر-مينيسترىنىڭ باسپا ءسوز قىزمەتىنىڭ حابارىنا سىلتەمە جاساپ.
قۋانىش ەرعالييەۆ 1982 جىلى شىعىس قازاقستان وبلىسىندا دۇنيەگە كەلگەن. 2006 جىلى س.د. اسفەندياروۆ اتىنداعى قازۇمۋ ۋنيۆەرسيتەتىن ءتامامداعان. 2009 جىلى اقش-تاعى تۋلەين ۋنيۆەرسيتەتىندە ماگيستر دارەجەسىن الدى. 2019 جىلى گارۆاردتىڭ ت.ح. چان اتىنداعى قوعامدىق دەنساۋلىق ساقتاۋ مەكتەبىندە «بولاشاق» حالىقارالىق باعدارلاماسى بويىنشا قوعامدىق دەنساۋلىق ساقتاۋ دوكتورى دارەجەسىن الدى. 2006 جىلى ەڭبەك جولىن دەنساۋلىق ساقتاۋ جۇيەسىنەن باستادى. 2010 جىلدان 2014 جىلعا دەيىن ق ر دەنساۋلىق ساقتاۋ مينيسترلىگىندە ءارتۇرلى قىزمەتتەردە، سونىڭ ىشىندە باسشىلىق لاۋازىمداردا قىزمەت ەتتى. 2014-2019 جىلدارى نازاربايەۆ ۋنيۆەرسيتەتىندە جۇمىس ىستەدى. 2019 جىلدان باستاپ قازىرگى ۋاقىتقا دەيىن سۇلەيمان دەميرەل اتىنداعى (سدۋ) ۋنيۆەرسيتەت رەكتورى بولدى. قۋانىش اسىلحان ۇلى مينيسترلىكتە جوعارى ءبىلىم جانە عىلىم ماسەلەلەرىنە جەتەكشىلىك ەتەتىن بولادى.