العاشقى قوڭىراۋ سوعىلىپ، بالالاردىڭ مەكتەپكە بارار ءساتى دە الىس ەمەس. جىل سايىن باعاسى شارىقتاي تۇسەتىن وقۋ قۇرالدارى مەن مەكتەپ فورماسىن ساتىپ الۋدى بارشانىڭ قالتاسى كوتەرە بەرمەيتىندىگى راس. ال، جاڭا وقۋ جىلىنا دايارلانىپ جاتقان اتا-انالار مەن بالالاردىڭ وسىناۋ قاربالاس ساتىندە ولارعا كومەك قولىن سوزىپ، قولداۋ ءبىلدىرۋ يگىلىكتى ءىس.
ۇلتتىق ۇلاندا جىل سايىن داستۇرگە اينالعان «مەكتەپكە جول» اكسياسى مەكتەپ وقۋشىلارىنا وسى ساتتەگى قيىنشىلىتارىن جەڭىۋگە باعىتتالعان قايىرىمدى شارا.
وسىعان وراي «وڭتۇستىك» وڭىرلىك قولباسشىلىعىنا قاراستى 5547 جانە 5514 اسكەري بولىمدەردە جىل سايىن جاڭا وقۋ جىلى قارساڭىندا وتكىزىلىپ تۇراتىن «مەكتەپكە جول» اكسياسى «جۇرەكتەن جۇرەكە» ۇرانىمەن ءوتتى. ءىس-شارا كوپ بالالى وتباسىلاردان شىققان مەكتەپ وقۋشىلارىنا، جالعىز باستى انالاردىڭ بالالارىنا كومەك كورسەتۋ ماقساتىندا ۇيىمداستىرىلدى.
- ۇجىمدا كوپ بالالى وتباسىلاردان بولەك، ەرەكشە بالالار تاربيەلەنەتىن وتباسىلار دا بار. ءاربىر ءىس-شارادا ءبىز اسكەري قىزمەتشىلەردىڭ بالالارىنا كوڭىل بولۋگە، مەرەكەلەر مەن بايقاۋلار ۇيىمداستىرۋعا، ءتۇرلى انيماتورلاردى شاقىرۋعا تىرىسامىز. بۇل ۇجىمدى بىرىكتىرەدى، اسكەري قىزمەتشىلەر ءبىر-بىرىنىڭ وتباسىن تانيدى، ال بالالار اتا-اناسىنىڭ قىزمەتىن جاقىنىراق بىلەدى، - دەيدى 5514 اسكەري ءبولىمىنىڭ باس تاربيەشىسى مايور نۇرسۇلتان تولەگەن.
اسكەري قىزمەتشىلەردىڭ وتباسىلارىنا بارعان ۇلاندىقتار العاش مەكتەپ تابالدىرىعىن اتتاعالى تۇرعان جانە مەكتەپ قابىرعاسىنداعى وقۋشى بالالارىنا ءبولىم باسشىلىعى مەن ايەلدەر كەڭەسى اتىنان سىيلىقتار تابىس ەتتى.
- بۇل اكسيا كوپتەگەن جەتكىنشەككە شاپاعات نۇرىن سەبۋدە. بۇل ءبىر رەتتىك قانا ەمەس، جىل بويى جالعاسىپ وتىراتىن ءۇردىس. وسى رەتتە ءاردايىم اسكەري قىزمەتشىلەردىڭ وتباسى مۇشەلەرىنە، بالارىنا كوڭىل ءبولىپ وتىراتىن ءبولىم باسشىلارىنا شەكسىز العىسىمدى بىلدىرەمىن، – دەيدى 5547 اسكەري بولىمىندەگى اسكەري قىزمەتشى سەرجانت اسانبەك جامانتايەۆتىڭ جۇبايى زۋحرا يلياسوۆا.
اكسيا شەڭبەرىندە اسكەري قىزمەتشىلەردىڭ بالالارى مەكتەپكە قاجەتتى كەڭسە كەرەك-جاراقتارىمەن، سومكەلەرمەن جانە مەكتەپ فورمالارىمەن قامتاماسىز ەتىلدى.
«قۋانتساڭ – بالانى قۋانت» دەگەندەي وسىنداي يگى شاراعا ۇلەس قوسۋ ادامي قاسيتەتتەردىڭ ەڭ ءقادىرلىسى. بالالاردىڭ رياسىز كۇلكىسى، كوڭىلىندەگى تازالىق، جۇرەگىندەگى ادالدىق ءارقاشان ومىرگە ءۇمىت بەرەدى. جاڭا وقۋ جىلى قارساڭىنداعى يگى باستاما ەلىمىزدە دارىندى، ءبىلىمدى، العىر، دەنى ساۋ ۇرپاق وسۋىنە ۇيىتقى بولماق.