«قازگيدرومەت» رمك-سى قىركۇيەكتىڭ 1ء-ى كۇنگى اۋا رايى ولجامىن جاريالادى، دەپ حابارلايدى Almaty-akshamy.kz.
كاسىپورىننىڭ بولجامىنا قاراعاندا، بۇگىن قازاقستاننىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە وراي كۇن قۇبىلمالى بولادى. ەلدىڭ سولتۇستىك-باتىسىندا، سولتۇستىگىنە، وڭتۇستىگىندە، وڭتۇستىك-شىعىسىندا جاڭبىر جاۋادى. جاۋىن وڭتۇستىك-شىعىستاعى تاۋلاردادا (جاڭبىر، جىلبىسقى قار) جاۋادى. تەك ەلىمىزدىڭ باتىسىندا، وڭتۇستىك-باتىسىندا كۇن جاۋىن-شاشىنسىز بولادى.
رەسپۋبليكا بويىنشا نايزاعاي ويناپ، جەل تۇرادى، بۇرشاق جاۋادى. وڭتۇستىك-باتىستا، وڭتۇستىكتە شاڭدى داۋىل تۇرىپ، وڭتۇستىك-شىعىستا داۋىل تۇرادى. ەلدىڭ سولتۇستىك-باتىسىندا، سولتۇستىگىندە، وڭتۇستىك-شىعىسىندا تۇمان تۇسەدى.
جامبىل وبلىسىندا، قىزىلوردا وبلىسىنىڭ شىعىسىندا، وڭتۇستىگىندە، ورتالىعىندا، اتىراۋ وبلىسىنىڭ سولتۇستىك-باتىسىندا، سولتۇستىك-شىعىسىندا، وڭتۇستىگىندە، اقتوبە وبلىسىنىڭ باتىسىندا، باتىس قازاقستان وبلىسىنىڭ سولتۇستىگىندە توتەنشە ءورت ءقاۋپى ساقتالادى.
باتىس قازاقستان وبلىسىنىڭ ورتالىعىندا جوعارى ءورت ءقاۋپى، وبلىستىڭ وڭتۇستىك-باتىسىندا، سولتۇستىك-باتىسىندا، شىعىسىندا توتەنشە ءورت ءقاۋپى ساقتالادى.
پاۆلودار، قاراعاندى، ۇلىتاۋ وبلىستارىنىڭ وڭتۇستىگىندە، اباي وبلىسىنىڭ باتىسىندا، سولتۇستىگىندە جوعارى ءورت ءقاۋپى ساقتالادى.