سودىرلار ورتالىق ازيانىڭ ءبىر قالاسىنان كەلگەن
پرەزيدەنت قاسىم-جومارت توقايەۆ «حابار 24» تەلەارناسىنا بەرگەن سۇحباتىندا الماتىعا شابۋىل جاساعان سودىرلاردىڭ جۇمىسشى اتىن جامىلىپ كەلگەنىن مالىمدەدى، دەپ حابارلايدى Almaty-akshamy.kz.
پرەزيدەنتتىڭ ايتۋىنشا، بۇل ادامدار ماتەريالدىق قۇندىلىقتارعا قىزىقپاعان. ولار اكىمشىلىك عيماراتتارعا جاسالعان شابۋىلداردى باسقاردى.
«ولار قىلمىستىق ىستەرگە، قۇقىق قورعاۋ ورگاندارىنىڭ قىزمەتكەرلەرىنە قاتىستى قۇجاتتارعا قىزىعۋشىلىق تانىتتى. بۇل - مۇقيات جوسپارلانعان ارەكەت. سىرتتان كەلگەن سودىرلاردى تارتا وتىرىپ، باسقىنشىلىق ارەكەت جاسالدى. سودىرلاردىڭ اۋەجايدى باسىپ الۋ ارەكەتىن ۇيىمداستىرعانىن بايقاعان بولارسىزدار،-دەدى توقايەۆ.
سونىمەن قاتار ول سودىرلار ورتالىق ازيانىڭ ءبىر قالاسىنان كەلگەنىن جەتكىزدى.
«ءقازىر تەرگەۋ ناتيجەسى ورتالىق ازيانىڭ ءبىر قالاسىنان كەلگەن ازاماتتاردىڭ اۋەجەي ارقىلى ءوتۋىن قامتاماسىز ەتۋ ءۇشىن باسىپ الىنعانىن كورسەتىپ وتىر. ولار - وقىتىلعان جاۋىنگەرلەر. جۇمىسشى اتىن جامىلىپ، شەكارا ارقىلى قالاعا كىرىپ، وپەراسيانى باسقارعان»، - دەدى پرەزيدەنت «حابار 24» تەلەارناسىنا بەرگەن سۇحباتىندا.