قاسيەتتى رامازان ايىندا ۇلتتىق تاسىمالداۋشىنىڭ پويىز جولسەرىكتەرى جولاۋشىلارعا ەرەكشە قۇرمەت كورسەتۋدە.
بارلىق باعىتتار بويىنشا جولاۋشىلارعا قۇرما مەن سۋ تەگىن تاراتىلۋدا، دەپ حابارلايدى aqshamnews.kz.
Rail-news.kz مالىمەتىنە ساي، ۆاگون-مەيرامحانالاردىڭ جۇمىسى ورازا ۇستاۋشىلارعا ىڭعايلى بولۋ ءۇشىن ارنايى كەستەگە كوشتى. مەيرامحانالار كۇن سايىن 08:00-دەن 00:00-گە دەيىن جۇمىس ىستەيدى، ال سارەسى ۋاقىتىنا وراي 04:00-دەن 05:30-عا دەيىن اشىق بولادى. بۇل جولاۋشىلارعا تاڭعى استى ۋاقىتىلى ىشۋگە مۇمكىندىك بەرەدى.
ورازا ۇستاعان جولاۋشىلار ءۇشىن 18:00-دەن 20:00-گە دەيىن ۆاگون-مەيرامحانالارداعى تاعامدارعا 10% جەڭىلدىك قاراستىرىلعان. سونداي-اق، اۋىزاشار ۋاقىتىندا جولاۋشىلارعا سۋ مەن قۇرما تەگىن ۇسىنىلادى.
ۇلتتىق تاسىمالداۋشى بارلىق جولاۋشىلاردى ءوزارا قۇرمەت پەن تۇسىنىستىك تانىتۋعا، پويىز ىشىندەگى تازالىقتى ساقتاۋعا جانە دەنساۋلىقتارىنا مۇقيات قاراۋعا شاقىرادى.
جولعا شىقپاس بۇرىن دەنساۋلىق جاعدايىن تەكسەرىپ، دارىگەردەن كەڭەس الۋ ۇسىنىلادى.
ۇلتتىق تاسىمالداۋشى بارشا مۇسىلمان قاۋىمىن قاسيەتتى رامازان ايىمەن شىن جۇرەكتەن قۇتتىقتاپ، رۋحاني كەمەلدىك پەن اماندىق تىلەيدى!