قتج پويىز بيلەتىن ونلاين قايتارۋ قىزمەتىن ىسكە قوستى

«جولاۋشىلار تاسىمالى» اق وسى قىزمەتتى ىسكە قوستى.

قازاقستاندىقتار ەندى پويىزداعى ورىندى ونلاين كەرى قايتارا الادى، دەپ حابارلايدى Almaty-akshamy.kz «قازاقستان تەمىر جولى» باسپا ءسوز قىزمەتىنە سىلتەمە جاساپ.

جولاۋشى بيلەتتى پويىزدىڭ ستانسيادان اتتانۋىنا دەيىن 1 ساعاتتان از ۋاقىت قالعاندا جانە ستانسيادان اتتانعاننان كەيىن 1 ساعات وتكەنگە دەيىن ونلاين قايتارا الادى.

«2022 جىلدىڭ ءساۋىر ايىنان باستاپ جولاۋشىلارعا قىزمەت كورسەتۋ ساپاسىن جاقسارتۋ ماقساتىندا «جولاۋشىلار تاسىمالى» اق تولەم ادىسىنە (قولما-قول/اقشاسىز ەسەپ ايىرىسۋ) جانە قاي جەردە ساتىلعانىنا قاراماستان، بارلىق ەلەكتروندى جول ءجۇرۋ قۇجاتى بويىنشا ورىنداردى ونلاين قايتارۋ فۋنكسياسىن ىسكە قوستى»، - دەپ حابارلادى «قازاقستان تەمىر جولى».

جولاۋشى بيلەتتى پويىزدىڭ ستانسيادان اتتانۋىنا دەيىن 1 ساعاتتان از ۋاقىت قالعاندا جانە ستانسيادان اتتانعاننان كەيىن ەلەكتروندى بيلەتتە كورسەتىلگەن ۋاقىتتان 1 ساعات وتكەنگە دەيىن ونلاين قايتارا الادى.

ورىندى قايتارۋ ءۇشىن مىنالاردى ورىنداۋ كەرەك:

قازاقستان تەمىر جولى سايتىنا كىرۋ، «نارازىلىق بويىنشا ورىندى قايتارۋ» قوسىمشا بەتىن باسۋ؛

سايتتا قاجەتتى بارلىق جولدى تولتىرىپ، ورىننىڭ قايتارىلعانى تۋرالى تۇبىرتەكتى جۇكتەۋ.

«جولاۋشىعا قاراجات ەلەكتروندىق جول ءجۇرۋ قۇجاتىن (بيلەتىن) ساتىپ الۋ ءتاسىلى مەن ورنىنا بايلانىستى بەلگىلەنگەن تارتىپپەن قايتارىلاتىنىن جولاۋشىلار ەسكەرۋى ءتيىس»، - دەدى باسپا ءسوز قىزمەتى.

تولىعىراق اقپاراتپەن كومپانيا سايتىنداعى «كومەك» – «ورىنداردى قايتارۋ» بولىمىندە تانىسۋعا بولادى.

جولاۋشىلار تاسىمالى ەرەجەلەرى بويىنشا قولدانىلماعان جول ءجۇرۋ قۇجاتى ءۇشىن اقشانى قايتارۋ ورىندى ساتۋ جۇيەسىنە قايتارعان كەزدە عانا ورىندالاتىنىن اتاپ ءوتۋ كەرەك.