"قتج" ۇك" اق-دا استىق، ۇنتاق ونىمدەرى سياقتى الەۋمەتتىك ماڭىزى بار جۇكتەردى تاسىمالداۋ ماسەلەلەرى ەرەكشە باقىلاۋدا، دەپ حابارلايدى aqshamnews.kz.
Rail-news.kzء-تىڭ حابارلاۋىنشا، استىق پەن ۇنتاق ونىمدەرىن تاسىمالداۋدى كۇن سايىن قتج جەدەل استىق شتابى ۇيلەستىرەدى. مۇددەلى مەملەكەتتىك ورگاندارمەن جانە جۇك جونەلتۋشىلەرمەن بىرلەسىپ تۇراقتى كەڭەستەر وتكىزىلەدى. اقمولا جانە قوستاناي جۇك تاسىمالداۋ بولىمشەلەرىندە ۆاگونداردى ۋاقتىلى قابىلداۋ جانە رەسىمدەۋ ءۇشىن جەدەل استىق توپتارىنىڭ تاۋلىك بويعى جۇمىسى ۇيىمداستىرىلعان.
استىق جۇكتەرىن ۇزدىكسىز تاسىمالداۋدى ۇيىمداستىرۋ بويىنشا ۇيىمداستىرۋشىلىق جانە تەحنولوگيالىق شارالار قابىلدانۋدا. جاڭا ەگىننىڭ استىعىن ءتيىمدى جانە جەدەلدەتىپ جونەلتۋ ءۇشىن قتج مارشرۋتتىق پويىزداردى قالىپتاستىرادى جانە جونەلتەدى. جۇك جونەلتۋشىلەر بىركەلكى تيەۋدى جانە ۆاگون اينالىمىن ساقتاۋدى قامتاماسىز ەتكەن كەزدە جاڭا ەگىن قولدا بار استىق تاسىعىشتارمەن، جابىق ۆاگوندار پاركىمەن-اق اكەتىلەتىن بولادى. ەۋروپالىق باعىتتا ەكسپورتتى قامتاماسىز ەتۋ ءۇشىن قتج رەسەي فەدەراسياسىنان استىق تاسىمالداۋشىلاردىڭ قوسىمشا پاركىن تارتادى.
قىركۇيەك-قازان ايلارىندا جانە قاراشانىڭ 10 كۇنىندە قتج جەلىسى بويىنشا جاڭا ەگىننىڭ استىعىن تاسىمالداۋ 43%-كە ءوسىپ، 2،5 ملن توننادان استى.
ەل ىشىندە استىق جونەلتىلىمدەرى 20% -كە، 534 مىڭ تونناعا دەيىن ءوستى. ەكسپورت 50% -كە، 2 ملن تونناعا دەيىن ارتتى. جاڭا ەگىننىڭ استىعىن ءداستۇرلى ورتالىق ازيا نارىقتارىنا جونەلتۋ 37% -كە ارتىپ، 1،2 ملن توننادان استى. اقتاۋ پورتى ارقىلى يران باعىتىندا قتج جەلىسى بويىنشا استىق تاسىمالداۋ 30 ەسەگە ءوستى. اۋعانستانعا استىق ەكسپورتى 64% - عا ءوستى.