2024-2025 جىلدارعى جىلىتۋ ماۋسىمىنا دايىندىق كەزەڭىندە ەل بويىنشا 29 ملن توننادان استام كومىر تەمىر جول كولىگىمەن جەتكىزىلدى.
ونىڭ ىشىندە ەلدىڭ جەو ءۇشىن 26 ملن توننادان استام، ال كوممۋنالدىق-تۇرمىستىق سەكتور ءۇشىن 3 ملن توننادان استام كومىر تاسىمالداندى، دەپ حابارلايدى aqshamnews.kz.
رەسپۋبليكانىڭ جەو-دا نورماتيۆتىك كورسەتكىشتەردەن اساتىن كومىر قورى، ياعني 5،4 ملن توننادان استامى جيناقتالعان، بۇل وتكەن جىلمەن سالىستىرعاندا 4% ارتىق.
جىلىتۋ ماۋسىمىنا كوممۋنالدىق-تۇرمىستىق سەكتوردىڭ قاجەتتىلىگى 8،2 ملن توننانى قۇرايدى، كومىر تۇيىقتارىندا 600 مىڭ توننادان استام كومىر بار.
قتج-دا كومىر تاسىمالداۋدى ۇيلەستىرۋ ءۇشىن تاۋلىك بويى جۇمىس ىستەيتىن شتاب بار.
ق ر ونەركاسىپ جانە قۇرىلىس مينيسترلىگى وكىلدەرىمەن كۇن سايىن كەڭەستەر وتكىزىلەدى.
كومىر تاسىمالداۋعا تارتىلعان ۆاگون پاركى شامامەن 20 مىڭ بىرلىكتى قۇرايدى. قتج جۇك جونەلتۋشىلەرىنىڭ بارلىق وتىنىمدەرىن 100% ورىنداۋدا، كولەمدەر اكەتىلۋدە، كومىر تيەۋگە ارنالعان بوس جارتىلاي ۆاگوندار قورى 3-4 تاۋلىككە قول جەتىمدى.
كومپانيا بارلىق تۇتىنۋشىلار ءۇشىن كومىردىڭ تۇراقتى جەتكىزىلۋىن قامتاماسىز ەتۋدى جالعاستىرۋدا جانە كومىر وپەراتورلارى مەن جۇك جونەلتۋشىلەردى، اسىرەسە كۇزگى-قىسقى كەزەڭنىڭ باسىندا، تاسىمالداۋعا ءوتىنىم بەرۋدى جەدەلدەتۋگە شاقىرادى.