سوت جوعارى وقۋ ورنىنىڭ اكسيالارىن ۇلتتىق كومپانياعا قايتارۋ بويىنشا قتج تالاپتارىنىڭ زاڭدىلىعىن راستادى، دەپ حابارلايدى اlmaty-akshamy.kz Kazinform-عا سىلتەمە جاساپ.
جوعارى وقۋ ورنىنىڭ بازالىق ءپروفيلىن ساقتاۋ، كادرلار دايارلاۋ جانە قتج قۇزىرەتتىلىك ورتالىعىن قۇرۋ ءۇشىن جوو اكتيۆتەرىن قايتارۋ جۇمىستارىن جۇرگىزدى. كومپانيانىڭ بۇل ۇستانىمىن ارداگەرلەر دە، سالانىڭ قازىرگى قىزمەتكەرلەرى دە قولداعان.
"قازاقستان تەمىر جولى" اق-نىڭ مالىمەتىنشە، 2022 جىلى قتج باس پروكۋراتۋراعا كومپانيانىڭ بۇرىن جەكەشەلەندىرىلگەن اكتيۆتەرىنىڭ ءتىزىمىن ۇسىنعان. وندا نەگىزگى نىسانداردىڭ ءبىرى «م.تىنىشپايەۆ اتىنداعى قازاق كولىك جانە كوممۋنيكاسيالار اكادەمياسى» اق (قازىرگى «لوگيستيكا جانە كولىك اكادەمياسى») بولدى. 2018 جىلى قازككا اكسيالارىنىڭ 100% پاكەتىن «Alimax Group» ج ش س 10 250 999 999 تەڭگەگە ساتىپ الدى.
"ساتىپ الۋ-ساتۋ شارتىنا سايكەس ساتىپ الۋشى 5 جىل ىشىندە قازككا اكسيالارىنىڭ 100% پاكەتىنە قاتىستى مامىلەلەر (قايتا ساتۋ، كەپىل، باسقارۋعا بەرۋ جانە باسقالار) جاساۋعا قۇقىعى جوق. ساتىپ الۋشى مامىلەنىڭ وسى شارتتارىن بۇزعان. ياعني، قازككا-نىڭ 100% اكسيالارىن جاڭا زاڭدى تۇلعاعا بەرە وتىرىپ، مەنشىك يەسىنىڭ كومپانياسىن (Alimax) قايتا ۇيىمداستىرۋ جۇرگىزىلدى. بۇل قازككا-نى قتج پايداسىنا قايتارۋ تۋرالى ءبىرىنشى جانە ەكىنشى ساتىداعى سوتتاردىڭ شەشىم قابىلداۋىنا نەگىز بولدى"، - دەپ حابارلادى قتج - دا.
قتج سالادا ءتيىمدى جۇمىس ىستەۋ ءۇشىن قاجەتتى ءبىلىمى مەن داعدىلارى بار مامانداردى دايارلاۋ ءۇشىن ۇزدىك وتاندىق جانە الەمدىك تاجىريبەلەردى قولدانۋدى جوسپارلاپ وتىر.
ايتا كەتەيىك، لوگيستيكا جانە كولىك اكادەمياسى 1931 جىلى قۇرىلعان. ول تەمىرجول، اۆتوكولىك، سۋ كولىگى جانە كوممۋنيكاسياعا قاجەتتى بىلىكتى ستۋدەنتتەردى دايارلاۋدا قازاقستاننىڭ نەگىزگى مامانداندىرىلعان جوعارى وقۋ ورنى بولىپ تابىلادى. ونىڭ قۇرامىنا الماتى، استانا، اقتوبە، شىمكەنت، اقتاۋ قالالارىنداعى 5 كوللەدج كىرەدى.