ەلىمىزدىڭ قۇتقارۋشىلارى اۋعانستانعا اتتاندى

ولاردىڭ قاتارىندا رەسپۋبليكالىق جەدەل قۇتقارۋ جاساعىنىڭ ماماندارىمەن قوسا كينولوگتار مەن دارىگەرلەر بار.

بارلىعى 45 ادام مىنگەن يل-76 جۇك ۇشاعى بۇگىن الماتى اۋەجايىنان شىقتى، دەپ حابارلايدى Almaty-akshamy.kz 24.kz-كە سىلتەمە جاساپ.

بورتتا قۇتقارۋ تەحنيكالارى دا بار. جاساقتىڭ قۇرامىنداعىلاردىڭ ءبىرقاتارى تۇركياداعى ءزىلزالانىڭ سالدارىن جويۋعا قاتىسىپ، تاجىريبە جيناقتاعان.

ەسكە سالا كەتەيىك، 7 قازان كۇنى اۋعانستاننىڭ باتىسىندا ورنالاسقان گەرات پروۆينسياسىندا قۋاتى 6 بالدان جوعارى جەر سىلكىنىسى بولعان ەدى. گەرات – اۋعانستانداعى ءىرى قالالاردىڭ ءبىرى. شاھاردا 500 مىڭعا تارتا حالىق تۇرادى. تابيعي اپاتتان 2،5 مىڭعا جۋىق ادام كوز جۇمىپ، مىڭداعان ادام جاراقات الدى. ۇيلەر قيرادى.

وسى قيىن جاعدايدان كەيىن مەملەكەت باسشىسىنىڭ تاپسىرماسىمەن اۋعانستانعا قۇتقارۋشىلار جىبەرۋ تۋرالى شەشىم قابىلداندى. قازاقستاندىق قۇتقارۋشىلار ءزىلزالادان قاتتى زارداپ شەككەن قالا ماڭىنداعى 4 ەلدى مەكەننىڭ تۇرعىندارىنا كومەك كورسەتەدى دەپ جوسپارلانىپ وتىر. وعان قوسا ەرتەڭ اۋعان ەلىنە گۋمانيتارلىق كومەك جونەلت