قازاقستان رەسپۋبليكاسى پرەزيدەنتىنە حالىق سەنىمىنىڭ جوعارى دەڭگەيى تۇراقتى تۇردە ساقتالىپ وتىر
2025 جىلدىڭ قازان ايىندا قسزي تاپسىرىسى بويىنشا جۇرگىزىلگەن قوعامدىق پىكىردى زەرتتەۋ ناتيجەلەرىنە سايكەس، قازاقستان رەسپۋبليكاسى پرەزيدەنتىنە حالىق سەنىمى جوعارى دەڭگەيدە ساقتالىپ وتىر. ول 86%-دى قۇرادى، - دەپ حابارلايدى Aqshamnews.kz.
بۇل كورسەتكىش سوڭعى بىرنەشە جىلدا تۇراقتى تۇردە ساقتالىپ كەلەدى جانە ول قوعام تاراپىنان ەلدى جاڭعىرتۋ مەن جاڭارتۋ باعىتىن قولداۋ ءۇردىسىنىڭ تۇراقتىلىعىن كورسەتەدى. سەنىمنىڭ ەڭ جوعارى دەڭگەيى جاستار اراسىندا تىركەلىپ وتىر (90،1%). رەسپوندەنتتەر نەعۇرلىم جاس بولعان سايىن، ولاردىڭ پرەزيدەنتكە سەنىمىندە جاڭاشىلدىقتان، وزگەرىستەردەن ءۇمىتى جوعارى. ال اعا بۋىن جاسى ۇلعايعان سايىن، كەرىسىنشە، بۇل وزگەرىستەردىڭ ولاردىڭ قالىپتاسقان ءومىر سالتىن بۇزباعانىن قالايدى. وسى كوڭىل-كۇيلەردىڭ توعىسۋى بۇگىندە ازاماتتاردىڭ باسىم بولىگىن بىرىكتىرىپ وتىرعان تۇراقتى جاڭارۋ باعىتىنا سۇيەنىش بولىپ وتىر. حالىقتىڭ پرەزيدەنتكە سەنىم دەڭگەيى ءبىلىم دەڭگەيىنىڭ جوعارىلاۋىمەن قاتار وسۋدە.
ءبىلىم دەڭگەيى جوعارىلاعان سايىن ادامدار رەفورمالاردىڭ باعىت پەن لوگيكاسى بار ەكەنىن، ولاردىڭ كەزدەيسوق ەمەس، جۇيەلى ءارى سانالى تۇردە جۇزەگە اسىپ جاتقانىن كوبىرەك سەزىنەدى. پرەزيدەنتكە دەگەن سەنىمنىڭ جوعارى دەڭگەيى تەك قانا قالا تۇرعىندارى اراسىندا عانا ەمەس (85%)، اۋىل تۇرعىندارى اراسىندا دا ساقتالىپ وتىر (87،6%).
اۋىل تۇرعىندارى ءداستۇرلى تۇردە مەملەكەتپەن ءىس جۇزىندە، ياعني ينفراقۇرىلىم، باعدارلامالار مەن تولەمدەر ارقىلى تىعىز بايلانىستى. ال قالا تۇرعىندارىنىڭ سەنىمى راسيونالدى سيپاتتا بولىپ، وزگەرىستەردى جۇيە رەتىندە قابىلداۋىمەن كوبىرەك بايلانىستى. سونداي-اق، پرەزيدەنتكە ەرلەر دە، ايەلدەر دە تەڭ دارەجەدە سەنىم بىلدىرەدى. تۇراقتىلىق پەن ەرتەڭگى كۇنگە قاتىستى سەنىمدە تەك ەرلەرگە ءتان، نە تەك ايەلدەرگە ءتان كوزقاراس جوق، كەرىسىنشە «مەملەكەتتىڭ باعىتى بەرىك ساقتالۋى ءتيىس» دەگەن ورتاق تۇسىنىك بار. وسىلايشا، قوعامداعى سەنىمنىڭ الەۋمەتتىك پورترەتى ەل ىشىندەگى كەلىسىم مەن تۇتاستىقتى ايقىندايدى. ءار الەۋمەتتىك توپ سەنىمنىڭ سەبەپتەرىن وزىنشە تۇسىندىرسە دە، بارلىعىنىڭ ورتاق تىلەگى ءبىر – قازاقستاننىڭ تۇراقتى، ساباقتاستىعى ساقتالعان ءارى ادىلەتتى دامۋى.
الەۋمەتتانۋلىق ساۋالناما قسزي تاپسىرىسىمەن 2025 جىلعى 3 قازان مەن 5 قاراشا ارالىعىندا جۇرگىزىلدى. ىرىكتەمە كولەمى 8000 رەسپوندەنتتى قۇرايدى. ساۋالناماعا 17 وبلىس پەن 3 رەسپۋبليكالىق ماڭىزى بار قالا – استانا، الماتى جانە شىمكەنت قالالارىنىڭ 18 جاستان اسقان رەسپوندەنتتەرى قاتىستى.