ق ر ۇلتتىق بانكى 2022 جىلعى ناۋرىزداعى ينفلياسيالىق احۋال بويىنشا ساۋالنامانىڭ ناتيجەسىن جاريالادى، دەپ حابارلايدى اlmaty-akshamy.kz.
«ينفلياسيانىڭ ساندىق باعالاۋى 2022 جىلعى ناۋرىزدا الداعى ءبىر جىلعا 11،4% قۇرادى. الداعى 12 ايدا باعانىڭ اعىمداعى ءوسۋ قارقىنىنىڭ جەدەلدەۋى نەمەسە ساقتالۋى بولاتىنىن رەسپوندەنتتەردىڭ 63 پايىزى ايتقان. الداعى ءبىر جىلدا باعانىڭ ءوسۋى بولادى دەپ پايىمداعان رەسپوندەنتتەر مۇنى نەگىزىنەن ايىرباس باعامىنىڭ وزگەرۋىمەن، ازىق-تۇلىك باعاسىنىڭ قىمباتتاۋىمەن جانە سىرتقى وقيعالارمەن بايلانىستىرادى»، - دەلىنگەن ۇلتتىق بانكتىڭ مالىمەتىندە.
سونىمەن بىرگە، رەسپوندەنتتەردىڭ 51% وتكەن ايدا باعانىڭ وزگەرىسسىز نەمەسە قالىپتى ءوسۋىن اتاپ ءوتتى. وتكەن ايدا باعانىڭ ءوسۋىن اتاپ وتكەن رەسپوندەنتتەردىڭ كوپشىلىگى ازىق-تۇلىك ونىمدەرىن تاڭدادى، ولاردىڭ ۇلەسى 86 پايىزدى قۇرادى.
«ازىق-تۇلىك قۇرىلىمىندا رەسپوندەنتتەردىڭ ۇلەسىنىڭ ءوسۋى نان-توقاش جانە ەت ونىمدەرى، وسىمدىك مايى مەن جۇمىرتقادان باسقا بارلىق پوزيسيالار بويىنشا بايقالدى. رەسپوندەنتتەر ۇلەسىنىڭ ارتۋى قانت، ءسۇت ونىمدەرى، ىرىمشىك جانە شۇجىقتار، الكوگولسىز سۋسىندار، شاي جانە كوفە سياقتى تاۋارلار بويىنشا كورىندى»، - دەپ اتالىپ وتكەن ۇب حابارلاماسىندا.
2022 جىلعى ناۋرىزدا جيناقتارى بار حالىقتىڭ ۇلەسى 21 پايىزدى قۇرادى. رەسپوندەنتتەردىڭ كوپشىلىگى جيناقتاۋدى قالىپتاستىرۋ ءۇشىن قازىرگى كەزەڭدى بەيتاراپ باعالاپ وتىر (جاقسى دا، جامان دا ەمەس) – 39%. جيناقتارى بار رەسپوندەنتتەردە جالپى العاندا سوڭعى جىلى جيناقتىڭ وزگەرمەيتىندىگى جانە تومەندەگەنى (تيىسىنشە 35% جانە 32%) اتاپ ءوتىلدى.
ۇلتتىق بانك مالىمەتىنە قاراعاندا، ساۋالناماعا قاتىسقانداردىڭ نەگىزگى بولىگى وتكەن 12 ايدا جەكە ماتەريالدىق جاعدايىن وزگەرىسسىز دەپ ايتسا (رەسپوندەنتتەردىڭ 53%)، رەسپوندەنتتەردىڭ 36% تەرىس باعا بەردى.
ەلدىڭ قىسقا مەرزىمدى جانە ۇزاق مەرزىمدى دامۋىنا قاتىستى وپتيميزم تومەندەدى. ەلدىڭ دامۋ پەرسپەكتيۆالارىن ءبىر جىلعا جانە 5 جىلعا وڭ باعالايتىن رەسپوندەنتتەردىڭ ۇلەسى تيىسىنشە 45% جانە 44% (اقپاندا – 52 جانە 50%) قۇرايدى.
رەسپوندەنتتەردىڭ 28% الداعى ءبىر جىلدا جەكە قارجىلىق جاعدايىنىڭ جاقساراتىنىن (اقپاندا – 39%) العا تارتسا، ال 27 پايىزى ناشارلايدى دەپ پايىمدايدى (13%).