30 ماۋسىمدا قازاقستان تجم قۇتقارۋشىلارى ق ر قم اۋە كەمەسىمەن قىرعىز رەسپۋبليكاسىنىڭ وش قالاسىنا ءبىزدىڭ ازاماتتارىمىزدى ەۆاكۋاسيالاۋ جانە قازا تاپقانداردىڭ دەنەلەرىن ەلىمىزگە تاسىمالداۋ ءۇشىن ۇشىپ كەلدى، دەپ حابارلايدى اlmaty-akshamy.kz.
ۆەدومستۆو مالىمەتىنشە، ۇشاق بورتىندا ق ر تجم رجقج قۇتقارۋشىلارى، اپاتتار مەديسيناسى ورتالىعىنىڭ دارىگەرلەرى مەن پسيحولوگتارى بار.
"سونىمەن قاتار بورتپەن قىرعىزستاننىڭ سەل تاسقىنىنان زارداپ شەككەن تۇرعىندارىنا جالپى سالماعى 2،7 توننا ازىق-تۇلىك تۇرىندە گۋمانيتارلىق كومەك جەتكىزىلدى. كەشە جامبىل وبلىسى تجد باستىعى ارمان توقانوۆ ىزدەستىرۋ-قۇتقارۋ جۇمىستارىن ۇيلەستىرۋ ءۇشىن وش وبلىسى نووكات اۋدانىنىڭ تج ايماعىنا جىبەرىلدى. بۇعان دەيىن ق ر تجم احۋالدىق ورتالىعىندا جەدەل شتاب قۇرىلدى، ونداعى ماماندار قىرعىزستان تجم جانە ءبىزدىڭ ەلشىلىكپەن تۇراقتى بايلانىستا"،- دەلىنگەن اقپاراتتا.
وسكەمەندە شقو تجد باستىعى راشيد بيليالوۆتىڭ ۇيلەستىرۋىمەن ەكى تاۋلىك بويى جەدەل شتاب جۇمىس ىستەپ جاتىر. شتاب بازاسىندا جەرگىلىكتى اتقارۋشى ورگاندارمەن بىرگە قايتىس بولعان بالالاردىڭ تۋىستارىنا پسيحولوگيالىق كومەك كورسەتىلۋدە.