پاسحا مەيرامى جۇرتشىلىقتى ىزگىلىكتى ىستەر جاساۋعا ىنتالاندىرادى
مەملەكەت باسشىسى قاسىم-جومارت توقايەۆ قازاقستان حالقىن پاسحا مەرەكەسىمەن قۇتتىقتادى، دەپ حابارلايدى Almaty-akshamy.kz اقورداعا سىلتەمە جاساپ.
«قۇرمەتتى وتانداستار!
ەلىمىزدىڭ پراۆوسلاۆ حريستياندارىن پاسحا مەرەكەسىمەن شىن جۇرەكتەن قۇتتىقتايمىن!
بۇل – ءدىندارلار ءۇشىن ءۇمىت پەن سەنىمگە تولى، ەرەكشە قۋانىشتى كۇن. پاسحا مەيرامى جۇرتشىلىقتى ىزگىلىكتى ىستەر جاساۋعا ىنتالاندىرادى، جاقىندارىنا جاناشىرلىقپەن قاراپ، مۇقتاج جاندارعا كومەك كورسەتۋگە جەتەلەيدى.
ءبىزدىڭ مادەنيەتىمىزبەن تىعىز استاسىپ، ۇيلەسىم تاپقان پاسحا داستۇرلەرى بارلىق ەتنوس جانە ءدىني نانىم وكىلدەرىن باۋىرلاستىرا تۇسەدى. سونداي-اق، وتباسىلىق قۇندىلىقتاردى، قوعامداعى ءوزارا تۇسىنىستىك پەن كەلىسىمدى نىعايتۋعا سەپتىگىن تيگىزەدى.
پاسحا مەيرامى ءار شاڭىراقتى شاتتىققا تولتىرىپ، باقىتقا بولەسىن!
بارشاڭىزعا زور دەنساۋلىق، تولاعاي تابىس تىلەيمىن!»، - دەلىنگەن پرەزيدەنتتىڭ قۇتتىقتاۋىندا.