ق ر پرەمەر-مينيسترى ساران قالاسىنىڭ يندۋستريالىق جانە ينفراقۇرىلىمدىق دامۋ بارىسىمەن تانىستى

ۇكىمەت باسشىسى 2022 جىلدىڭ سوڭىندا ىسكە قوسىلۋى ءتيىس «KamaTyresKZ» ج ش س جاڭا شينا زاۋىتىنىڭ قۇرىلىس الاڭىنا باردى.

قاراعاندى وبلىسىنا جۇمىس ساپارى اياسىندا ق ر پرەمەر-مينيسترى ءاليحان سمايىلوۆ ساران قالاسىنىڭ يندۋستريالىق جانە ينفراقۇرىلىمدىق دامۋ بارىسىمەن تانىستى، دەپ حابارلايدى Almaty-akshamy.kz

كاسىپورىن جوسپارلى قۋاتتىلىققا شىققاننان كەيىن ءونىم، سونىڭ ىشىندە اۆتوموبيلدەردىڭ باستاپقى كومپلەكتاسياسى ءۇشىن قازاقستان نارىعىنا، سونداي-اق ەاەو ەلدەرىنە جەتكىزىلەدى دەپ كۇتىلۋدە. 

سودان كەيىن ءاليحان سمايىلوۆ جىلىنا 1200 بىرلىك اۆتوبۋس شىعاراتىن «Qazتehna» ج ش س زاۋىتىنا باردى. 

بۇگىندە كاسىپورىندا مەكتەپ اۆتوبۋستارىن شىعارۋ جولعا قويىلعان، ولار جاڭا وقۋ جىلىنا قاراي قازاقستاننىڭ توعىز وبلىسىنا بەرىلەدى. سونىمەن قاتار جىل سوڭىنا دەيىن قوعامدىق تاسىمالداۋ ءۇشىن دە اۆتوبۋستار شىعارۋ جوسپارلانعان. 

سونداي-اق پرەمەر-مينيسترگە يمپورتتى الماستىرۋ باعدارلاماسىن ىسكە اسىرۋ شەڭبەرىندە ىسكە قوسۋىلۋى ءتيىس «Meridian Company» ج ش س بولاشاق تۇرمىستىق تەحنيكا زاۋىتىنىڭ جوباسى تانىستىرىلدى. 

بۇدان ءارى ءاليحان سمايىلوۆ جىل سوڭىنا دەيىن پايدالانۋعا بەرۋ جوسپارلانىپ وتىرعان رتب (رەزەڭكە تەحنيكالىق بۇيىمدار) شاعىن اۋدانىنداعى كوپ قاباتتى ۇيلەردى قالپىنا كەلتىرۋ بارىسىمەن تانىستى. 

جالپى، ساران قالاسىندا تۇرعىن ءۇي قۇرىلىسىنىڭ قارقىنى سوڭعى ءۇش جىلدىق كەزەڭدە 260%-قا ۇلعايدى. 2022 جىلى تاعى 250 پاتەر پايدالانۋعا بەرىلەدى دەپ كۇتىلۋدە.