ءىى دارەجەلى «ايبىن» وردەنى بەرىلدى.
ق ر ىشكى ىستەر ءمينيسترى ەرلان تۇرعىمبايەۆ 2021 جىلعى 20 قىركۇيەكتە قىزمەتتىك مىندەتتەرىن اتقارۋ كەزىندە قازا تاپقان الماتى قالاسى پوليسيا دەپارتامەنتىنىڭ ەكى قىزمەتكەرىنىڭ وتباسىلارىنا مەملەكەتتىك ناگرادالاردى تاپسىردى. بۇل تۋرالى Almaty-akshamy.kz ق ر ىشكى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
«ءبىزدىڭ ارىپتەستەرىمىز، پوليسيا مايورى دارحان سۇلەيەۆ پەن پوليسيا كاپيتانى نۇربول بايعازييەۆ قىزمەتتىك مىندەتىن ادال اتقارىپ، ارىپتەستەرىنە ۇلگى بولىپ، بولاشاققا جوسپار قۇردى. ولاردىڭ ءومىرىن قيعان قايعىلى وقيعا بارلىق قازاقستاندىقتاردى ءدۇر سىلكىندىردى»، - دەپ اتاپ ءوتتى ءىىم باسشىسى.
ۋچاسكەلىك پوليسيا ينسپەكتورلارى دارحان سۇلەيەۆ پەن نۇربول بايعازييەۆ قازا تاپقان سوڭ پرەزيدەنت قاسىم-جومارت كەمەل ۇلى توقايەۆتىڭ جارلىعىمەن ءىى دارەجەلى «ايبىن» وردەنىمەن ماراپاتتالدى.
«بۇگىن مەن مەملەكەت باسشىسىنىڭ تاپسىرماسى بويىنشا ولاردى تاپسىرۋ ءۇشىن كەلدىم»، - دەپ اتاپ ءوتتى مينيستر ەرلان تۇرعىمبايەۆ.
ول ىشكى ىستەر ورگاندارىنىڭ قىزمەتكەرلەرى ءاردايىم قىلمىسقا قارسى كۇرەستە جانە ازاماتتاردىڭ قاۋىپسىزدىگىن قامتاماسىز ەتۋدە الدىڭعى قاتاردى جۇرەتىنىن اتاپ ءوتتى.
«پوليسەيلەردىڭ كۇندەلىكتى جۇمىسى ءومىر مەن دەنساۋلىققا ءقاۋىپ توندىرەدى. سىن جاعدايلارىندا بىرنەشە سەكۋند ىشىندە ولار جاۋاپتى شەشىمدەر قابىلداۋعا ءماجبۇر»،-دەلىنگەن حابارلامادا.