الماتى اكىمىنىڭ ورىنباسارى، الماتى قالاسى اكىمدىگى جانىنداعى ساياسي قۋعىن-سۇرگىن قۇرباندارىن اقتاۋ ماسەلەلەرى جونىندەگى قالالىق كوميسسيانىڭ ءتوراعاسى ەرجان باباقۇماروۆتىڭ توراعالىعىمەن ساياسي قۋعىن-سۇرگىن قۇرباندارىن اقتاۋ جونىندەگى قالالىق كوميسسيانىڭ ءتورتىنشى وتىرىسى ءوتتى، دەپ حابارلايدى Almaty-akshamy.kz.
وتىرىسقا قالالىق كوميسسيانىڭ بارلىق 9 جۇمىس توبىنىڭ، «رۋحاني جاڭعىرۋ» جوبالىق كەڭسەسى» كمم باسشىلارى قاتىستى. جيىندا توپتاردىڭ زەرتتەۋ جۇمىستارىنىڭ بارىسى، سونداي-اق عالىمداردىڭ جۇمىسىن ۇيىمداستىرۋ، مۇراعاتتاردان قاجەتتى قۇجاتتاردى الۋ، عىلىمي جيناقتاردى، عىلىمي-زەرتتەۋ ءىس-ساپارلارىن دايىنداۋ بويىنشا ماسەلەلەر قارالدى. قالالىق كوميسسيا ءتوراعاسىنىڭ ورىنباسارى، تاريح عىلىمدارىنىڭ دوكتورى ب. جانگۋتتين ساياسي قۋعىن-سۇرگىن قۇرباندارىن اقتاۋ بويىنشا تۇلعالار مەن جاڭا ساناتتاردى انىقتاۋ بويىنشا جۇمىستىڭ الدىن الا ناتيجەلەرى، جوبالار، ىزدەستىرۋ جانە عىلىمي قىزمەت تۋرالى باياندادى. وتىرىس بارىسىندا ساياسي قۋعىن-سۇرگىن قۇرباندارىن اقتاۋ بويىنشا زەرتتەۋ جۇمىستارى تۋرالى بايانداعان جۇمىس توپتارىنىڭ جەتەكشىلەرى ش. زابيح، م. گۋبايدۋللينا، ا. وتەعالييەۆا، ن. الپىسبايەۆا ب. كابدۋشيەۆ، گ. نۇرىمبەتوۆا، گ. مۇقانوۆا، ت. قۇلتايەۆ، ز. تولەنوۆا بايانداما وقىدى.