قازاقستان رەسپۋبليكاسى ىشكى ىستەر مينيسترلىگىنىڭ م. ەسبولاتوۆ اتىنداعى الماتى اكادەمياسى باكالاۆريات باعدارلاماسى بويىنشا وقىتۋعا قۇجات قابىلداي باستادى
وقۋ ورنىنىڭ وكىلدەرى البينا تۇرعىنبايەۆا مەن مادينا بەيىل قىزى وڭىرلىك كوممۋنيكاسيالار قىزمەتىندە وتكەن پرەسس-كونفەرەنسيادا اكادەمياعا ءتۇسۋدىڭ ەرەجەسى مەن تالابى تۋرالى ايتتى، دەپ حابارلايدى aqshamnews.kz. Polisia.kz-كە سىلتەمە جاساپ.
ىشكى ىستەر سالاسىنا كاسىبي كادرلار دايارلايتىن 70 جىلدىق تاريحى بار اكادەميا ءقازىر ەلىمىزدەگى ەڭ ۇلكەن وقۋ ورنى سانالادى.
قىلمىستىق قۇقىق جانە كريمينولوگيا كافەدراسىنىڭ وقىتۋشىسى البينا تۇرعىنبايەۆانىڭ ايتۋىنشا، اكادەميا كريمينالدى پوليسيانىڭ، كيبەرقىلمىسپەن كۇرەس بولىمشەلەرىنىڭ، اكىمشىلىك پوليسيانىڭ، سونىمەن بىرگە تەرگەۋ بولىمشەلەرى، اقپاراتتاندىرۋ مەن بايلانىس قىزمەتىنىڭ ماماندارىن دايارلايدى. وقۋ باعدارلاماسىنا مىنالار كىرەدى:
- «قۇقىق قورعاۋ جۇمىسى»؛
- «كيبەرقىلمىسقا قارسى ءىس-قيمىل»؛
- «ىشكى ىستەر ورگاندارىنىڭ جۇمىسىن IT-كريميناليستيكا تۇرعىسىنان قامتاماسىز ەتۋ (سيفرلى كريميناليستيكا)»
- «ىشكى ىستەر ورگاندارىن اقپاراتتىق-تەحنيكالىق تۇرعىدا قامتاماسىز ەتۋ»
- «ءىىو-عى سوتقا دەيىنگى تەرگەۋ».
«كيبەرقىلمىسقا قارسى ءىس-قيمىل» مەن «ىشكى ىستەر ورگاندارىنىڭ جۇمىسىن IT-كريميناليستيكا تۇرعىسىنان قامتاماسىز ەتۋ (سيفرلى كريميناليستيكا)» باعدارلاماسىنا تۇسكەندەر ارىپتەس جوو-نىڭ قوسديپلومدى باعدارلاماسىمەن وقي الادى.
الماتىداعى اكادەميادا وقۋدىڭ ارتىقشىلىعى:
- مەملەكەتتىك تاپسىرىستىڭ نەگىزىندە وقۋعا ءتۇسىپ، وقيدى. جايلى جاتاقحانادا تۇرادى، قازىرگى زامانعى تەحنيكامەن جابدىقتالعان اۋديتوريادا وقيدى، ستيپەنديا الادى، تاماعى توق بولادى، كەرەك-جاراعىن بەرەدى، دارىگەر قارايدى، تەگىن سپورت سەكسياسىنا (جاتتىعۋ، كۇرەس زالى، بوكسقا ارنالعان رينگ، ءبارى وليمپيادا ستاندارتىنا ساي) قاتىسادى، پويىزبەن تەگىن قاتىنايدى؛
- وقۋعا كەتكەن ۋاقىت اسكەري مىندەتتى وتەگەنمەن بىردەي سانالادى؛
- وقۋ بىتىرگەندەر 100% جۇمىسقا ورنالاسادى؛
- وقۋدى بىتىرىسىمەن ءارقايسىسىنا «ۇلتتىق قاۋىپسىزدىك پەن اسكەري ءىستىڭ باكالاۆرى» دارەجەسى قاتار جۇرەتىن مەملەكەتتىك ديپلوم مەن «پوليسيا لەيتەنانتى» دەگەن ارناۋلى شەن بەرىلەدى.
الماتى اكادەمياسىنا باكالاۆريات باعدارلاماسىمەن وقۋعا ون التى جاسقا تولعان، ورتا ءبىلىمى بار قازاقستان رەسپۋبليكاسىنىڭ ازاماتىن الادى. وعان:
- اقپان مەن مامىر ايىنىڭ ارالىعىندا تۇرعىلىقتى جەردەگى پوليسيا بولىمشەسىنە بارىپ، نە قاجەت قۇجاتتاردى تولتىرۋ ءۇشىن مىنا سىلتەمەدەگى – https://alpolac.edu.kz/ اكادەميانىڭ سايتىنا كىرۋ كەرەك. وقۋعا تۇسەردەگى ۇلتتىق ءبىرىڭعاي تەست مامىر مەن شىلدە ايىنىڭ ارالىعىندا وتەدى.
- وقۋعا تۇسەتىندەر كەز كەلگەن باعىتتاعى ەكى ءپاندى (شىعارماشىلىق ەكزامەنىنەن بولەك) تاڭداپ الۋىنا بولادى.
بايقاۋعا قاتىسۋ ءۇشىن كەم دەگەندە 50 باللدان، ونىڭ ىشىندە ءار پاننەن 5 باللدان جيناۋى ءتيىس. «وقۋ ساۋاتتىلىعى» مەن «ماتەماتيكالىق ساۋاتتىلىق» پانىنەن ءوتۋ بالى 3 باللدان تومەن بولمايدى.
العان بالىنا، مەديسينالىق تەكسەرىستەن وتكەنىن راستايتىن قورىتىندىسىنا قاراي، دارىگەرلىك تەكسەرۋ مەن ۇبت-دان ساتىمەن وتكەندەردى كەيىن الماتى اكادەمياسىنا شاقىرادى دەيدى، وقىتۋشى-ادىسكەر مادينا بەيىل قىزى.
«قازاقستان رەسپۋبليكاسىنىڭ ۇلتتىق گۆاردياسىندا اسكەري مىندەتىن وتەگەندەردى، العان بالى تالاپقا ساي كەلەتىندەرىن، ۇبت-دان 100 نە ودان دا جوعارى بالل العاندارىن، سپورت شەبەرلەرىن، جۇمىس بارىسىندا قازا بولعان پوليسيا قىزمەتكەرلەرىنىڭ بالالارىن بايقاۋدان تىس قابىلدايمىز»، - دەيدى، كاسىبي دايارلىق فاكۋلتەتىنىڭ وقىتۋشى-ادىسكەرى مادينا بەيىل قىزى.
كانديداتتار ىرىكتەۋ كەزىندە مىنا مىنا جاتتىعۋدان دا وتەدى:
- 100 مەترگە جۇگىرۋ (جاسوسپىرىمدەر، قىزدار)؛
- 1000 مەترگە جۇگىرۋ (كروسس)، (جاسوسپىرىمدەر، قىزدار)؛
- بيىك باعانعا تارتىلۋ (جاسوسپىرىمدەر)؛
- شالقاسىنان جاتىپ دەنەنى 1 مينۋت بويى كوتەرىپ ۇستاۋ (قىزدار).
وقۋعا قالاي ءتۇسۋ كەرەكتىگىن اكادەميانىڭ سايتىنان وقىپ، مىنا نومىرگە دە قوڭىراۋ شالىپ بىلسەڭىز بولادى +7 700 375 52 82؛ +7 708 684 49 70؛ +7 775 930 55 88 (WhatsApp)