قازاقستاندىق بالۋان ءجاميلا باقبەرگەنوۆا بىرىككەن كۇرەس الەمىنىڭ (UWW) ايەلدەر اراسىنداعى جاڭارتىلعان رەيتينگىندە ءوز سالماعىندا كوش باسىنداعى ورنىن ساقتاپ قالدى، دەپ حابارلايدى aqshamnews.kz.
ۇوك مالىمەتىنشە، قازاقستاندىق بالۋان ءجاميليا باقبەرگەنوۆا 2025 جىلعى اممانداعى ازيا چەمپيوناتىندا جەڭىمپاز اتانىپ، 10 000 ۇپايعا يە بولعان ەدى. وسىلايشا، 51 000 ۇپايمەن 72 كەلىگە دەيىنگى سالماق دارەجەسىندە الەمدىك رەيتينگتىڭ ءبىرىنشى ساتىسىنداعى ورنىن ساقتاپ قالدى.
ەكىنشى ورىنعا 45 000 ۇپايمەن جاپونيالىق امي يشي ورنالاسقان. ءۇشىنشى ورىنعا موڭعوليا وكىلى بولورتۋنگالاگ زوريگت جايعاسقان، ونىڭ قورجىنىندا 34 700 ۇپاي بار.