ق ر عىلىم جانە جوعارى ءبىلىم ءمينيسترى ءانشى ديماش قۇدايبەرگەنمەن كەزدەسىپ، جاستار شىعارماشىلىعىن دامىتۋ جونىندە پىكىر الماستى، دەپ حابارلايدى Almaty-akshamy.kz Inform.kz-كە سىلتەمە جاساپ.
«الەمگە ايگىلى ءانشى ستۋدەنتتىك شىعارماشىلىقتى دامىتۋ جانە ستۋدەنت جاستاردىڭ قاتىسۋىمەن بولاتىن جوبالارى جونىندەگى يدەيالارىمەن ءبولىستى. سونىمەن قاتار شىعارماشىلىق يندۋستريا جانە مادەنيەت سالاسىنداعى مەنەدجمەنت سالاسىنا قاجەتتى كادرلار دايارلاۋ ماسەلەسى دە تالقىلاندى»، - دەپ جازدى مينيستر Instagram-دا.⠀
س.نۇربەكتىڭ ايتۋىنشا، ءانشىنىڭ ۇسىنعان يدەيالارى مينيسترلىكتە قارالاتىن بولادى.
«ديماش قۇدايبەرگەننىڭ ۇسىنعان يدەيالارىن ءبىز عىلىم جانە جوعارى ءبىلىم مينيسترلىگىنىڭ جۇمىسى بارىسىندا مىندەتتى تۇردە ەسكەرەتىن بولامىز.⠀الداعى ۋاقىتتا دا بايلانىسىمىزدى ۇزبەي، ۇنەمى پىكىر الماسىپ تۇراتىن بولىپ كەلىستىك. ديماش ءوز مۇمكىندىكتەرى مەن كۇش-جىگەرىن عىلىم مەن ءبىلىمدى ناسيحاتتاۋعا سالۋعا دايىن ەكەندىگى ءبىز ءۇشىن وتە قۋانىشتى»، - دەيدى ۆەدومستۆو باسشىسى.