قازاقستاندىق جەكپە-جەك شەبەرى فيرۋزا شاريپوۆا ارالاس جەكپە-جەكتەگى العاشقى كەزدەسۋىن وتكىزدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ول الماتىدا مما-دەن Octagon 33 تۋرنيرىنە قاتىسىپ، رەسەيلىك كارينا ونداسىنوۆامەن (2-0) رينگىگە شىقتى. جەكپە-جەك 63،5 كگ سالماقتا ءوتتى.
ءۇش راۋندقا جوسپارلانعان كەزدەسۋ ءبىرىنشى راۋندا فاريزانىڭ قىلقىندىرۋ ءادىسىن قولدانۋىمەن اياقتالدى. وسىلايشا جەرلەسىمىز مما-دەگى العاشقى جەڭىسىنە قول جەتكىزسە، رەسەيلىك سپورتشى قىز العاش رەت جەڭىلىس تاۋىپ وتىر.
فيرۋزا شاريپوۆا بوكستا دا ونەر كورسەتىپ ءجۇر. جەكە رەكوردى — 14-2، 8 كو. ول بوكستا جەڭىل سالماقتا IBA جانە WBU نۇسقالارى بويىنشا الەم چەمپيونى اتاقتارىن جەڭىپ العان.