مۇناي-گاز سالاسى – قازاقستان ەكونوميكاسىنىڭ جەتەكشى سەكتورى.
ق ر ەنەرگەتيكا ءمينيسترى نۇرلان نوعايەۆ مۇناي جانە گاز كەشەنى قىزمەتكەرلەرىن كاسىبي مەرەكەسىمەن قۇتتىقتادى، دەپ حابارلايدى Almaty-akshamy.kz اتالمىش ۆەدوموستۆونىڭ باسپا ءسوز قىزمەتىنە سىلتەمە جاساپ.
«قۇرمەتتى ارىپتەستەر! مينيسترلىكتىڭ جانە ءوزىمنىڭ اتىمنان كاسىبي مەرەكە – مۇناي جانە گاز كەشەنى قىزمەتكەرلەرى كۇنىمەن شىن جۇرەكتەن قۇتتىقتايمىن. سىزدەرگە قيىن دا جاۋاپكەرشىلىگى مول قىزمەتتەرىڭىزگە شىنايى ريزاشىلىعىمىزدى بىلدىرەمىن. سونداي-اق سالا ارداگەرلەرىنە كاسىبي داستۇرىنە ادالدىقتى ساقتاي وتىرىپ، ونى كەيىنگى ۇرپاققا جەتكىزگەنى ءۇشىن العىس ايتامىن. تاۋەلسىز قازاقستانداعى بۇل مەرەكە پرەزيدەنتتىڭ جارلىعىمەن 2003 جىلى كاسىبي مەرەكە رەتىندە رەسمي تۇردە بەكىتىلدى. وزدەرىڭىز بىلەتىندەي، مۇناي-گاز سالاسى – قازاقستان ەكونوميكاسىنىڭ جەتەكشى سەكتورى. ول ەلدىڭ جالپى سالىق تۇسىمدەرىنىڭ ەداۋىر بولىگىن، سونداي-اق ەكسپورتتىق كىرىستەردى اكەلەدى جانە تىكەلەي شەتەلدىك ينۆەستيسيالاردىڭ كوپ بولىگى ءۇشىن قىزىعۋشىلىق سەكتورى بولىپ تابىلادى. ەنەرگەتيكالىق يندۋستريانىڭ Chevron، ExxonMobil، Eni، Agip، Total، لۋكويل جانە ت.ب. سياقتى الەمدىك كوشباسشىلارىنىڭ كەڭىنەن قاتىسۋى ءوڭىردىڭ ينۆەستورلار ءۇشىن تارتىمدىلىعىن كۋالاندىرادى. ءبىزدىڭ ەلىمىز ءۇشىن، قازاقستان ءۇشىن 2021 جىل اۋقىمدى جانە ماڭىزدى جىل – تاۋەلسىزدىككە قول جەتكىزگەننىڭ 30 جىلدىعىمەن ەرەكشەلەنەدى. وسى جىلدار ىشىندە مۇناي-گاز سالاسى قالىپتاسۋ جولىنان ءوتتى، ەلەۋلى تابىستارعا قول جەتكىزدى جانە ءبىزدىڭ مەملەكەتىمىزدىڭ تاريحىندا ماڭىزدى ءرول اتقاردى. بۇكىل قازاقستاندىق مۇناي-گاز كەشەنى ءۇشىن 1993 جىلى Chevron كورپوراسياسىمەن قازاقستاننىڭ تۇڭعىش پرەزيدەنتى – ەلباسى نۇرسۇلتان نازاربايەۆتىڭ تىكەلەي جانە جەكە قاتىسۋىنىڭ ارقاسىندا تەڭىز ءىرى كەن ورنىن اۋقىمدى يگەرۋ جونىندەگى كەلىسىمگە قول قويىلۋى نەگىز بولدى. قازاقستاندا نەگىزگى مۇناي ءوندىرۋ ءۇش ءىرى كەن ورىندارىندا جۇرگىزىلەدى: تەڭىز، قاراشىعاناق جانە قاشاعان. تاۋەلسىزدىك العان كەزدەن باستاپ رەسپۋبليكادا مۇناي ءوندىرۋ كولەمى ءۇش جارىم ەسەدەن استامعا 2019 جىلى جىلىنا 25 ملن. توننادان باستاپ 90،5 ملن. تونناعا دەيىن ءوستى. قازاقستاننىڭ مۇناي-گاز كەشەنى ەلدىڭ دامۋىندا ماڭىزدى ءرول اتقارادى، ەل بيۋدجەتىنە سالىق تۇسىمدەرىنىڭ ەداۋىر بولىگىن قامتاماسىز ەتەدى جانە ءجىو-نىڭ تورتتەن ءبىر بولىگىن قۇرايدى. قازاقستاندا 250-دەن استام مۇناي جانە گاز كەن ورىندارى اشىلدى، مۇناي وڭدەۋ كاسىپورىندارىن جاڭعىرتۋ جۇرگىزىلۋدە، مۇناي-گاز سەكتورى قىزمەتكەرلەرىنىڭ قاجىرلى ەڭبەگىنىڭ جانە وسى سالاداعى ناقتى قويىلعان مەملەكەتتىك ساياساتتىڭ ارقاسىندا وڭىرلەردى گازداندىرۋ جانداندىرىلدى. وسىعان بايلانىستى مۇناي-گاز كەشەنى قىزمەتكەرلەرىنىڭ كوپتەگەن بۋىندارىنىڭ ەرەن ەڭبەگىن اتاپ وتكىم كەلەدى. سالا ارداگەرلەرىنىڭ قاجىرلى ەڭبەكتەرىنە ءارقاشان ريزاشىلىق پەن قۇرمەت بولا بەرمەك. سونداي-اق، مەملەكەت باسشىسى – قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆ قازاقستان حالقىنا جىل سايىنعى جولداۋىندا سالانىڭ ودان ءارى دامۋىن قامتاماسىز ەتۋدى جانە مۇناي-حيميا كەشەندەرىنىڭ قۇرىلىسىنا، جوعارى قايتا ءبولۋدىڭ جاڭا وندىرىستىك سيكلدەرىن قۇرۋعا ينۆەستيسيالار تارتۋعا ەرەكشە نازار اۋدارۋدى تاپسىرعانىن اتاپ وتكەن ءجون. وسى تاپسىرمانى ورىنداۋ ءۇشىن سالا قىزمەتكەرلەرىنىڭ قاجەتتى ءبىلىمى، تاجىريبەسى، بىلىكتىلىگى مەن قۇزىرەتى بار. مەملەكەت باسشىسى بەلگىلەگەن مۇناي-گاز سالاسىن ودان ءارى دامىتۋ جونىندەگى ماقساتتاردى ىسكە اسىرۋ جولىندا ءالى دە كوپ جۇمىس ىستەۋ كەرەك. قۇرمەتتى ارىپتەستەر! سىزدەرگە بارلىق باستامالارىڭىزعا تابىس پەن ساتتىلىك، وتانىمىزدىڭ يگىلىگى ءۇشىن جاڭا جەتىستىكتەر، مىقتى دەنساۋلىق، ءار وتباسىنا باقىت پەن اماندىق تىلەيمىن!»، - دەپ جازدى ق ر ەنەرگەتيكا ءمينيسترى.