ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ ادەپ جونىندەگى ۋاكىلىمەن جيىنى
2021 جىلعى 21 ماۋسىمدا "وڭتۇستىكقازجەرقويناۋى" ود-دە ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ ادەپ جونىندەگى ۋاكىلى جانىبەك اگيبايەۆتىڭ توراعالىعىمەن "وڭتۇستىكقازجەرقويناۋى" ءود باسشىسى ا. ا. ءابدىعالىموۆتىڭ، ق ر ەگترم مەملەكەتتىك قىزمەت سالاسىنداعى باقىلاۋ باسقارماسىنىڭ باس ساراپشىسى ك. ا. ءاشىموۆتىڭ قاتىسۋىمەن مەملەكەتتىك قىزمەتشىلەردىڭ قىزمەتتىك ادەپتىلىكتى ساقتاۋ قاجەتتىلىگى، وزدەرىنىڭ لاۋازىمدىق مىندەتتەرىن ورىنداۋ كەزىندە سىبايلاس جەمقورلىققا قاتىستى قۇقىق بۇزۋشىلىققا جول بەرمەۋ تۋرالى كەڭەس ءوتتى، دەپ حابارلادى Almaty-akshamy.kz ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ گەولوگيا كوميتەتى تاراتقان حابارعا سىلتەمە جاساپ.
مەملەكەتتىك قىزمەتشىلەردى ادەپ كودەكسىنە ەنگىزىلگەن سوڭعى وزگەرىستەرمەن، ونىڭ ىشىندە سىبايلاس جەمقورلىق تاۋەكەلدەرى تۋىنداعان كەزدە باسشىلىققا دا، ءتيىستى ۋاكىلەتتى ورگاندارعا دا الدىن الا حابارلاۋ قاجەتتىگى تۋرالى تانىستىردى.
"وڭتۇستىكقازجەرقويناۋى" ءود باسشىسى ا.ا. ءابدىعالىموۆ قاتىسۋشىلارعا العىسىن بىلدىرە وتىرىپ، مەملەكەتتىك ورگاندا سىبايلاس جەمقورلىقسىز كليماتتى قۇرۋدا مەملەكەتتىك قىزمەتشىلەردىڭ قىزمەتتىك ادەپتى ساقتاۋىنىڭ ماڭىزدىلىعىن اتاپ ءوتتى.