جاڭا قونىستانۋشىلارعا پاتەر كىلتتەرى قازاقستان پوليسياسى كۇنىندە سالتاناتتى تۇردە تابىس ەتىلدى.
الماتى وبلىسىندا 60 پوليسيا قىزمەتكەرىنىڭ وتباسى باسپانالى بولدى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
جاڭا قونىستانۋشىلارعا پاتەر كىلتتەرى قازاقستان پوليسياسى كۇنىندە سالتاناتتى تۇردە تابىس ەتىلدى. راسىمگە الماتى وبلىسى اكىمىنىڭ ورىنباسارى ءلاززات تۇرلاشيەۆ، الماتى وبلىسى پوليسيا دەپارتامەنتىنىڭ باستىعى سەرىك كۇدەبايەۆ ، «وتباسى بانك» اق وبلىستىق فيليالىنىڭ باسشىسى عالىمجان شالعىمبايەۆ قاتىستى.
«بۇگىن ءبىز دەپارتامەنت ءۇشىن ماڭىزدى وقيعانىڭ كۋاسى بولىپ وتىرمىز – 60 قىزمەتكەرىمىزدىڭ وتباسى ءوز باسپانالارىنا يە بولدى. قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ ءوز جولداۋىندا ازاماتتاردىڭ الەۋمەتتىك ءال-اۋقاتى باستى باسىمدىق بولىپ تابىلاتىنىن اتاپ ءوتتى. وسىعان بايلانىستى، سونداي-اق «ىشكى ىستەر ورگاندارىن جاڭعىرتۋ جونىندەگى جول كارتاسىن» ىسكە اسىرۋ شەڭبەرىندە ق ر ىشكى ىستەر ءمينيسترى اسكەري قىزمەتشىلەرگە ۇقساس تۇرعىن ءۇيدى ساتىپ الۋ ءۇشىن ونى جالعا العانى ءۇشىن وتەماقى تولەۋدى پوليسيا قىزمەتكەرلەرىنە پايدالانۋ مۇمكىندىگى تۋرالى ماسەلەنى باستاماشىلىق ەتىپ، ودان ءارى ۇكىمەت قولداعان. الماتى وبلىسىنىڭ اكىمى اماندىق باتالوۆقا، ونىڭ ورىنباسارلارىنا، سونداي-اق تالدىقورعان قالاسىنىڭ اكىمىنە العىس ايتقىم كەلەدى. ولاردىڭ كومەگىنىڭ ارقاسىندا ءبىزدىڭ قىزمەتكەرلەر جاڭا ۇيدەن پاتەر كىلتتەرىن الدى»، – دەپ اتاپ ءوتتى ءوز سوزىندە الماتى وبلىسى پوليسيا دەپارتامەنتىنىڭ باستىعى سەرىك كۇدەبايەۆ.
سونىمەن قاتار سپيكەر پوليسيا قىزمەتكەرلەرى ءۇشىن تۇرعىن ءۇي ساتىپ الۋدا «وتباسى بانك» ماڭىزدى ءرول اتقارعانىن اتاپ ءوتتى. بۇل بانك تەز ارادا جاۋاپ قايتارىپ، پوليسيا قىزمەتكەرلەرىنە قارىز بەرۋدى شەشتى. بانككە ءتورت جۇزگە جۋىق قىزمەتكەردىڭ تۇرعىن ءۇي ساتىپ الۋعا قۇجاتتارى جولداندى. ءبىرىنشى كەزەڭدە تەكسەرىپ، زەردەلەگەننەن كەيىن ولاردىڭ 60-ى ماقۇلدانعان.
«قازىرگى كەزەڭدە پوليسيانىڭ نەگىزگى مىندەتتەرىنىڭ ءبىرى «قادامدىق قولجەتىمدىلىك» بولىپ تابىلادى. كورىپ وتىرعانىمىزداي، مەملەكەت ونى ءتيىمدى شەشۋ ءۇشىن بارلىق قاجەتتى جاعدايلاردى جاساۋدا. ءبىز وتانداستارىمىزدىڭ قاۋىپسىزدىگىنە دەگەن سەنىمدىلىكتى، ولاردىڭ كونستيتۋسيالىق قۇقىقتارى مەن بوستاندىقتارىن قورعاۋدى قامتاماسىز ەتۋ، سونداي-اق وعان مۇقتاج ادامدارعا كومەك كورسەتۋ ءۇشىن بارلىق شارالاردى قابىلدايتىن بولامىز. بۇگىنگى ءىس-شارا – بۇل العاشقى تاجىريبە. بۇدان ءارى قولدا بار تاجىريبەنى ەسكەرە وتىرىپ، وڭتۇستىك ءوڭىردىڭ اۋداندىق بولىمشەلەرى – قاراساي، تالعار، ىلە اۋداندارىنىڭ قىزمەتكەرلەرى ءۇشىن ۇيلەر سالۋدى جوسپارلاپ وتىرمىز»، – دەپ تۇيىندەدى سەرىك كۇدەبايەۆ.