اعىمداعى جىلدىڭ 19-21 ساۋىرىندە قازاقستان رەسپۋبليكاسىنداعى ادام قۇقىقتارى جونىندەگى ۋاكىل ارتۋر لاستايەۆتىڭ الماتى قالاسىنا جۇمىس ساپارى وتەدى.
رەسمي ساپار بارىسىندا 19 ساۋىردە قازاقستان ومبۋدسمانى ارتۋر لاستايەۆ الماتى قالاسى بويىنشا ۋاكىلدىڭ وكىلى ق. مالدىبايەۆپەن بىرلەسىپ اكىمدىك وكىلدەرىمەن، قالا پروكۋرورى ب.جۋيريكتايەۆپەن، پوليسيا دەپارتامەنتىنىڭ باستىقتارى ا. زاپپاروۆپەن جانە قاج دەپارتامەنتىنىڭ باستىعى ا. قايىربەكوۆپەن كەزدەسۋ وتكىزەدى، دەپ حابارلايدى Almaty-akshamy.kz
سول كۇنى ا. لاستايەۆتىڭ قر-داعى بالا قۇقىقتارى جونىندەگى ۋاكىل ا. ساينمەن جۇمىس كەزدەسۋى وتەدى، وندا ىنتىماقتاستىق تۋرالى مەموراندۋمعا قول قويۋ كوزدەلەدى.
سونداي-اق، الماتى قالاسى بويىنشا قاجد №11 مەكەمەسىنە بارۋ كۇتىلۋدە، ونىڭ بارىسىندا ا.لاستايەۆ كامەلەتكە تولماعان سوتتالعاندارعا جەكە قابىلداۋىن وتكىزەدى.
19 ساۋىردە ساعات 15:00-دەن 18:00-گە دەيىن ۋاكىلەتتى ا. لاستايەۆ قالا تۇرعىندارى ءۇشىن +7 775 515 86 95 نومىرىنە حابارلاسۋ ارقىلى الدىن الا جازىلۋ بويىنشا دوستىق داڭعىلى، 134، كاب. 401 مەكەنجايى بويىنشا ازاماتتارعا جەكە قابىلداۋىن وتكىزەدى..
21 ساۋىردە ومبۋدسمەن ۇلتتىق الدىن الۋ تەتىگىنىڭ قاتىسۋشىلارىمەن سوتتالعانداردى ءتيىستى قۇقىقتىق قورعاۋ جونىندەگى جۇمىستى، ونىڭ ىشىندە پسيحولوگيالىق، پەداگوگيكالىق جانە مەديسينالىق قولداۋ جانە ازاپتاۋدىڭ الدىن الۋ جونىندەگى قىزمەتتىڭ ءىس-قيمىلدارىن كۇشەيتۋ جونىندەگى ودان ءارى ءىس-قيمىل جوسپارىن تالقىلايدى.
بۇدان باسقا، ۋاكىل الماتى قالاسىنىڭ ۇكىمەتتىك ەمەس ۇيىمدارىمەن (ۇەۇ) ادام قۇقىقتارى مەن بوستاندىقتارى سالاسىنداعى قۇقىقتىق اعارتۋ، قۇقىق قورعاۋ ۇيىمدارىنىڭ قىزمەتىن ۇيلەستىرۋ مەن قولداۋ دەڭگەيىن ارتتىرۋ قاجەتتىلىگى، ءبىلىم بەرۋ باعدارلامالارىن ازىرلەۋدەگى جانە حالىقتىڭ ءبىلىم دەڭگەيىن ارتتىرۋداعى ىنتىماقتاستىق پەرسپەكتيۆالارى، ءبىرىنشى كەزەكتە تۇرعىنداردىڭ جاستار بولىگىن قامتيتىن قۇقىقتىق اعارتۋدىڭ تۇتاس جۇيەسىن قۇرۋ تۋرالى كەزدەسۋ وتكىزۋدى جوسپارلاپ وتىر.
كۇن تارتىبىندە - ا.لاستايەۆتىڭ «جان-سايا داعدارىس ورتالىعى» كمم-نە بارۋى، «داعدارىس ورتالىقتارى وداعى» باسشىسى ز. بايساقوۆامەن كەزدەسۋى. سونداي-اق قيىن ومىرلىك جاعدايعا تاپ بولعان ادامداردى قابىلداۋ وتكىزىلەدى.