كوبىنەسە ققس مولشەرلەمەسىنىڭ ءوسۋى باعانىڭ كۇرت قىمباتتاۋىنا اسەر ەتەدى. ءبىراق ەلىمىزدە ولاي بولۋى مۇمكىن بە؟ جاۋاپ: تۇتىنۋشىلار ءۇشىن باعانىڭ ايتارلىقتاي ءوسۋ ءقاۋپى مينيمالدى. سەبەبىن تۇسىندىرەيىك.
ققس شەگىن تومەندەتۋ باعانىڭ ءوسۋىن تەڭەستىرۋگە كومەكتەسەدى
ققس تولەۋشى كومپانيالار وزدەرى سياقتى باسقا ققس تولەۋشىلەرمەن جۇمىس ىستەۋدى كوزدەيدى، ويتكەنى بۇل ولارعا بيۋدجەتكە تولەنەتىن سالىق سوماسىن ازايتۋعا مۇمكىندىك بەرەدى. ەگەر ققس تولەۋشى كومپانيا باسقا ققس تولەۋشىدەن تاۋار نەمەسە قىزمەت ساتىپ السا، ول تولەنگەن ققس-ىن ەسەپكە الا الادى، ناتيجەسىندە ونىڭ سالىقتىق جۇكتەمەسى ازايادى. وسىلايشا ققس تولەۋشىلەر اراسىنداعى جۇكتەمەنىڭ ءبولىنۋى باعاعا دەگەن قىسىمدى ازايتادى.
ەڭبەكاقى قورىنا تۇسەتىن جۇكتەمەنى ازايتۋ ارقىلى تەڭگەرىم ساقتالادى
ۇكىمەت ققس مولشەرلەمەسىنىڭ ءوسۋ ىقپالىن ازايتۋ ءۇشىن ەڭبەكاقى قورىنا تۇسەتىن جۇكتەمەنى تومەندەتۋدى جوسپارلاپ وتىر. بۇل شامامەن تاۋار باعاسىنىڭ 40%-ىن قۇرايدى. ەڭبەكاقى قورىنا تۇسەتىن جۇكتەمەنىڭ ازايۋى باعانىڭ قىمباتتاۋ ءقاۋپىن تومەندەتەدى.
اۋىل شارۋاشىلىعى سالاسىنداعى سالىقتىق جەڭىلدىكتەر ساقتالادى
ءقازىر ەلىمىزدە ءتۇرلى سالالارعا ارنالعان سالىقتىق ىنتالاندىرۋلار بار جانە ولاردىڭ كوبى وزگەرىسسىز قالادى. ماسەلەن، اۋىل شارۋاشىلىعى سالاسىنداعى جەڭىلدىكتەر ساقتالادى، بۇل وتاندىق ازىق-تۇلىك باعاسىنىڭ قاتتى قىمباتتاۋىنا جول بەرمەيدى.
وسىلايشا ققس مولشەرلەمەسىنىڭ بولجامدى ءوسۋىنىڭ اسەرى جەڭىلدەتەتىن فاكتورلارمەن وتەدى، سوندىقتان بۇل جالپى باعانىڭ ەداۋىر وسۋىنە اسەر ەتپەۋى ءتيىس.