كەشە قوستانايدا قاتتى جاڭبىر جاۋىپ، حالىقارالىق اۋەجاي عيماراتىنىڭ ءبىرىنشى قاباتىن ءىشىنارا سۋ باستى، دەپ حابارلايدى Almaty-akshamy.kz Inform.kz-كە سىلتەمە جاساپ.
بۇل ۆيدەو جەلىدە جاريالانىپ، بىردەن قالا تۇرعىندارىنىڭ نارازىلىعىن تۋدىردى. ويتكەنى، اۋەجاي جاقىندا عانا قايتا جوندەۋدەن كەيىن ەسىگىن ايقارا اشقان ەدى.
«جوندەۋ جاقىندا عانا جۇرگىزىگەن، ناتيجەسى مىنە. بۇعان جاۋاپتى ادامداردى دەرەۋ شاقىرىپ، جاۋاپقا تارتۋ كەرەك. ۇيات جاعداي»، – دەپ جازدى ۆيدەونىڭ استىنا قالانىڭ ناتاليا ەسىمدى تۇرعىنى.
«جوندەۋ جۇمىستارىن جۇرگىزگەن ءتۇرى»، - دەپ جازدى اندرەي ەسىمدى قولدانۋشى.
اۋەجايدىڭ حابارلاۋىنشا، سۋ تاسقىنىنا نوسەر جاۋىن سەبەپ بولعان. جاڭبىر سالدارىنان نوسەر كاناليزاسياسى تولىپ، ۇشۋ زالىن سۋ باسقان. قازىرگى كەزدە قولايسىز اۋا رايى سالدارى جويىلدى. بۇل قوستاناي اۋەجايىنا قاتىستى ءبىرىنشى وقيعا ەمەس. ناۋرىز ايىنىڭ باسىندا جەلىدە قوستاناي اۋەجايىنىڭ رەكونسترۋكسيادان كەيىنگى ۆيدەوسى تارادى، وندا ادامداردىڭ باسپالداقپەن كوتەرىلىپ، قابىرعاعا ءبىر-اق تىرەلەتىنى تۇسىرىلگەن.
اۋەجاي باسشىلىعى بۇنى عيماراتتا جوندەۋ جۇمىستارى، جوبالاۋ شەشىمدەرىنىڭ تولىق اياقتالماعانىمەن ءتۇسىندىردى. كەيىننەن قابىرعادا ەسىك ورناتىلعان.