ق ر پرەمەر-مينيسترى ءاليحان سمايىلوۆ قوستاناي وبلىسىنداعى الاپات تابيعي ورتتەردىڭ سالدارىن جويۋ ماسەلەلەرى بويىنشا جەدەل كەڭەس وتكىزدى. بۇل تۋرالى Almaty-akshamy.kz primeminister.kz-كە سىلتەمە جاساپ حابارلايدى.
توتەنشە جاعدايلار ءبىرىنشى ۆيسە-مينيسترى يبراگيم كۇلشىمبايەۆ كۇردەلى مەتەورولوگيالىق جاعدايعا، اۋا تەمپەراتۋراسىنىڭ 36 گرادۋستان اسۋىنا بايلانىستى قوستاناي وبلىسىندا، اسىرەسە ورمان القاپتارىندا كۇردەلى ءورت جاعدايى قالىپتاسقانىن باياندادى. 43 مىڭ گا ورمان شارۋاشىلىعى ورتكە وراندى.
قازىرگى ۋاقىتتا 1 841 ادام ءقاۋىپسىز جەرگە كوشىرىلىپ، ىستىق تاماقپەن قامتاماسىز ەتىلدى. جەدەل جەلى اشىلىپ، زارداپ شەككەندەرمەن پسيحولوگتار جۇمىس ىستەپ جاتىر. 10 ادام زارداپ شەكتى، ءبىر ادام قايتىس بولدى.
108 ءۇي-جاي جويىلىپ، بۇلىنگەن. ءورت سوندىرۋگە جەكە قۇرامنان 600-دەن استام ادام جانە 100-گە جۋىق تەحنيكا جۇمىلدىرىلدى. تىكۇشاقتار ىسكە قوسىلدى. جەدەل شتاب جۇمىس ىستەپ جاتىر، ق ر تجم باسشىسى وقيعا ورنىندا ءجۇر.
ۇكىمەت باسشىسى توتەنشە جاعدايلار، يندۋستريا جانە ينفراقۇرىلىمدىق دامۋ، اۋىل شارۋاشىلىعى، قارجى مينيسترلىكتەرىنە جانە قوستاناي وبلىسىنىڭ اكىمدىگىنە تۇرعىندار مەن اۋىل شارۋاشىلىعىنا كەلتىرىلگەن زالالدى باعالاۋدى تاپسىردى.
قارجى جانە ۇلتتىق ەكونوميكا مينيسترلىگىنە ۇكىمەتتىڭ رەزەرۆىنەن ورتتەن كەلتىرىلگەن زالالدى وتەۋگە قاراجات ءبولۋ تۋرالى قاۋلى جوباسىن دايىنداۋ تاپسىرىلدى.
سونىمەن قاتار ءاليحان سمايىلوۆ باسپاناسىنان ايىرىلعان ازاماتتار ءۇشىن جاڭا تۇرعىن ۇيلەر سالۋ جۇمىسىن شۇعىل باستاۋدى تاپسىردى.
«قۇرىلىستى قىسقا مەرزىمدە اياقتاۋ ءۇشىن جەدەل جۇمىس ىستەۋىمىز كەرەك. بۇل ماسەلە – پرەزيدەنتتىڭ جەكە باقىلاۋىندا»، — دەدى ءاليحان سمايىلوۆ.
سونىمەن قاتار يندۋستريا جانە ينفراقۇرىلىمدىق دامۋ مينيسترلىگىنە قوستاناي وبلىسىنىڭ زارداپ شەككەن اۋداندارىندا كولىك قاتىناسىن قالپىنا كەلتىرۋ جانە بارلىق ينجەنەرلىك جانە ينفراقۇرىلىمدىق وبەكتىلەردىڭ ۇزدىكسىز جۇمىس ىستەۋىن قامتاماسىز ەتۋ تاپسىرىلدى.
اۋىل شارۋاشىلىعى مينيسترلىگىنە وبلىس اكىمدىگىمەن بىرلەسىپ، قاجەت بولعان جاعدايدا زارداپ شەككەن فەرمەرلەرگە جانە جەكە قوسالقى شارۋاشىلىق يەلەرىنە كومەك كورسەتۋ تاپسىرىلدى.
سونداي-اق ءاليحان سمايىلوۆ دەنساۋلىق ساقتاۋ مينيسترلىگىنە زارداپ شەككەندەرگە قاجەتتى مەديسينالىق كومەك كورسەتۋدى، ەڭبەك جانە حالىقتى الەۋمەتتىك قورعاۋ مينيسترلىگىنە وبلىس اكىمدىگىمەن بىرلەسىپ، الەۋمەتتىك كومەك كورسەتۋدى، ىشكى ىستەر مينيسترلىگىنە ەۆاكۋاسيا ايماقتارىندا ازاماتتاردىڭ قوعامدىق قاۋىپسىزدىگىن جانە مۇلكىنىڭ بۇلىنبەۋىن قامتاماسىز ەتۋدى، سونداي-اق حالىق اراسىندا وتتى ابايسىز پايدالانعانى ءۇشىن جاۋاپكەرشىلىك تۋرالى ءتۇسىندىرۋ جۇمىستارىن كۇشەيتۋدى تاپسىردى.