بۇگىن قازاقستاننىڭ ءبىرىنشى ءمينيسترى بولعان قادىر بايكەنوۆپەن قوشتاسۋ ءراسىمى عىلىم ورداسى رگپ عيماراتىندا ءوتتى. قازاقستان رەسپۋبليكاسىنىڭ پرەزيدەنتى، پرەمەر ءمينيسترى، قالا اكىمى جانە باسقا دا لاۋازىمدى تۇلعالار كوڭىل ايتتى. قوشتاسۋ راسىمىنە تۋىستارى، قوعام قايراتكەرلەرى، زيالى قاۋىم، دوستارى جانە قالا تۇرعىندارى قاتىستى. قادىر بايكەنوۆ كەنساي 2 زيراتىنا جەرلەندى.
10 قازاندا قادىر بايكەنوۆ 78 جاسقا تولار ەدى.
1967-1985 جىلدار ارالىعىندا ينجەنەر-كونسترۋكتور، سەح باستىعى، ءوندىرىس جونىندەگى باستىقتىڭ ورىنباسارى، باس ينجەنەردىڭ ورىنباسارى، پارتكوم حاتشىسى، الماتى اۋىر ماشينا جاساۋ زاۋىتى ديرەكتورىنىڭ ەكونوميكا جونىندەگى ورىنباسارى قىزمەتتەرىن اتقارعان.
1985-1987 جىلدارى قازاقستان كومپارتياسى الماتى وبكومىنىڭ حاتشىسى بولعان.
1987-1989 جىلدارى قازاق كسر مينيسترلەر كەڭەسى ءتوراعاسىنىڭ ورىنباسارى لاۋازىمىندا قىزمەت ەتتى.
1989-1991 جىلدارى قازاقستان كومپارتياسى الماتى قالالىق كوميتەتىنىڭ ءبىرىنشى حاتشىسى جانە الماتى قالالىق كەڭەسىنىڭ ءتوراعاسى بولدى.
1991-1993 جىلدارى ق ر پرەمەر-مينيسترىنىڭ ورىنباسارى بولىپ ىستەدى.
1993 جىلى ق ر ەنەرگەتيكا جانە وتىن رەسۋرستارى ءمينيسترى قىزمەتىنە تاعايىندالدى.
1994-1995 جىلدارى ق ر مينيسترلەر كابينەتى جانىنداعى قورعانىس ونەركاسىبى كوميتەتىنىڭ ءتوراعاسى بولعان.
1998-1999 جىلدارى «قازاتومونەركاسىپ» ۇلتتىق كومپانياسىنىڭ پرەزيدەنتى بولىپ جۇمىس ىستەگەن.
1999 جىلدان باستاپ قازىرگى ۋاقىتقا دەيىن «ينۆەستكونسالسينگ» كومپانياسى» ج ش س پرەزيدەنتى بولعان.