ونىڭ كوبى جايىلىم مەن شابىندىق جەرلەر
قوستاناي وبلىسىندا سوڭعى التى جىلدا 230 مىڭ گەكتار القاپ مەملەكەتكە قايتارىلدى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
كەزىندە جۇرت «ەگىن سالىپ، مال وسىرەمىن» دەپ العان بۇل جەرلەر قاراۋسىز قالعان. ونىڭ كوبى جايىلىم مەن شابىندىق جەرلەر. مىسالى، ءبىر عانا امانكەلدى اۋدانىندا وسىنداي مال وسىرۋگە ارنالعان 86 مىڭ گەكتار جەر مەملەكەت مەنشىگىنە وتكەن. ودان كەيىن مەڭدىقارا، ناۋىرزىم، اۋليەكول اۋداندارىندا بوس جاتقان جەرلەر تاركىلەندى. تۇتاستاي العاندا، ايماقتا اۋىل شارۋاشىلىعى ماقساتىنا پايدالانىلاتىن جەردىڭ كولەمى 11 ميلليون گەكتارعا جۋىقتايدى.
«ەندى ءبىزدىڭ تەكسەرىس جۇمىستارىن وتكىزگەننەن كەيىن قولداناتىن شارا - ءبىرىنشى ايىپپۇل سالىنادى. سوسىن ءبىر جىلعا نۇسقاما بەرىلەدى. ءبىر جىلدىڭ ىشىندە جەر يەسى جەردى ءتيىستى ماقساتىنا پايدالانۋى كەرەك. پايدانالانباعان جاعدايدى ءبىر جىلدان كەيىن مەملەكەتكە قايتارىلادى»،-دەدى وبلىستىق جەردىڭ پايدالانىلۋى مەن قورعالۋىن باقىلاۋ باسقارماسىنىڭ ءبولىم باسشىسى نۇرلان سماعۇلوۆ.