ول شاحتادا ءورتتىڭ تۇتانۋىنا جول بەرمەدى. ونىمەن قوسا، كەنشىلەردىڭ ومىرلەرىنە تونگەن ءقاۋىپتى سەيىلتتى.
مەملەكەت باسشىسىنىڭ جارلىعىمەن جانكەشتى جانە جەمىستى ەڭبەگى ءۇشىن «Qarmet» اكسيونەرلىك قوعامىنىڭ كوستەنكو اتىنداعى شاحتاسىنىڭ جەراستى ۋچاسكەسىنىڭ ەلەكتر سلەسارى ايبار بەكبولات ۇلى قوسانوۆ ءىىى دارەجەلى «ەڭبەك داڭقى» وردەنىمەن ناگرادتالدى، دەپ حابارلايدى Almaty-akshamy.kz.
ەسكە سالا كەتەيىك، 2 مامىر كۇنى قاراعاندىداعى كوستەنكو شاحتاسى تۇتىندەپ، 200-گە جۋىق كەنشى ەۆاكۋاسيالانعان بولاتىن.
بىقسىعان وتتى العاشقى ءورت ءسوندىرۋ قۇرالدارىنىڭ كومەگىمەن كونۆەيەر تراسساسىنىڭ ەلەكتر سلەسارى ايبار قوسانوۆ ءسوندىردى.
كەنشى وقيعا تۋرالى حابارلاپ جاتقاندا شاحتانىڭ باسقارۋ بولمەسىندە ءتۇتىن سيگناليزاسياسى ىسكە قوسىلعان.
ساعات 19:45–تە سيگناليزاسياعا بايلانىستى ءتۇتىن سوندىرىلگەنىنە قاراماستان ەۆاكۋاسيا جوسپارى بويىنشا شاحتاداعى 194 كەنشىنى سىرتقا شىعارۋ جونىندە شەشىم قابىلدانعان.
ساعات 21:47–دە 187 كەنشى جەر بەتىنە شىعارىلدى.