الاياقتار ىس-ارەكەتتەرىن رەسپۋبليكا بويىنشا ىسكە اسىرعان
قازاقستاندىقتاردى قوس الاياق 17 ملن تەڭگەگە الداپ كەتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جىل باسىنان بەرى قاراعاندى قالاسىنىڭ پب-نا ينتەرنەت-الاياقتاردىڭ ارباۋىنا ءتۇسىپ قالعان قالا تۇرعىندارىنان وتىنىشتەر تۇسە باستادى. الاياقتار اقپاراتتىق جۇيەنى پايدالانا وتىرىپ، شاعىن نەسيە ۇيىمدارى ارقىلى 105 مىڭ تەڭگەدەن 140 مىڭ تەڭگەگە دەيىن نەسيە راسىمدەپ الىپ وتىرعان.
جەدەل ىزدەستىرۋ ءىس-شارالارىنىڭ بارىسىندا كريمينالدىق پوليسيا قىزمەتكەرلەرى كۇدىكتىلەر – 26 جاستاعى ەكى ەر ادامدى انىقتاپ، ۇستادى. ولاردىڭ بارلىعى دا شىمكەنت قالاسىنىڭ تۇرعىندارى. كۇدىكتىلەر بانك كارتالارىن پايدالانىپ، جالپى سوماسى 17 ميلليون تەڭگەگە جۋىق ماتەريالدىق شىعىن كەلتىرگەن.
ىس-ارەكەتتەرىن رەسپۋبليكا بويىنشا اسىرعان. پوليسەيلەر كۇدىكتىلەردىڭ ينتەرنەتتەگى الاياقتىق بويىنشا 150 فاكتىگە قاتىسى بارىن انىقتاۋدا. پوليسەيلەر ق ر قىلمىستىق كودەكسىنىڭ 190-بابى (الاياقتىق) بويىنشا قىلمىستىق ءىس قوزعادى. سوت قىلمىسكەرلەرگە قاماۋعا الۋ تۇرىندەگى جازا تاعايىندادى. قازىرگى ۋاقىتتا تەرگەۋ امالدارى جۇرگىزىلۋدە.