تىيىم سالۋ تۋرالى نورما 2020 جىلى قابىلدانعان.
قازاقستاندا كاليان شەگۋگە رۇقسات ەتكەن مەيرامحانالار مەن بارلاردىڭ يەلەرىنە سالىناتىن ايىپپۇل سوماسى ۇلعايادى، دەپ حابارلايدى Almaty-akshamy.kz
"مەيرامحانالار مەن بارلاردا كاليان شەگەتىنىن ءبارىڭىز دە بىلەسىزدەر. بۇگىنگى زاڭناما تۇتىنۋشىنىڭ وزىنە عانا شارا قولدانۋ ماسەلەسىن رەتتەيدى، ءبىراق رەستوراتورلار مەن كاسىپكەرلەرگە قاتىستى نورما جوق. وسىعان بايلانىستى ءبىز جاۋاپكەرشىلىكتى كۇشەيتۋدى كوزدەپ وتىرمىز. ياعني ايىپپۇل مولشەرىن ۇلعايتۋ جانە رەستوراتورلار مەن كاسىپكەرلەرگە قاتىستى نورما قابىلداۋ تۋرالى ۇسىنىس ەنگىزدىك"، - دەدى دەنساۋلىق ساقتاۋ مينيسترلىگى مەديسينالىق كومەكتى ۇيىمداستىرۋ دەپارتامەنتى ديرەكتورىنىڭ ورىنباسارى گۇلنار سارسەنبايەۆا.
قوعامدىق ورىنداردا كاليان شەگۋگە تىيىم سالۋ تۋرالى نورما 2020 جىلى قابىلدانعان. ءبىراق ەلىمىزدە شوب سۋبەكتىلەرىن تەكسەرۋگە موراتوريي جاريالانعاندىقتان، بۇل نورما ورىندالماعان. ازاماتتار تاراپىنان شاعىم بولماعاندىقتان، ولاردى تەكسەرۋ دە مۇمكىن بولماعان.